Vinnureglur um lóðarveitingar hjá Akureyrarbæ

7. liður í fundargerð skipulagsnefndar dags. 24. nóvember 2010:
Þann 19. maí 2009 samþykkti bæjarstjórn að undanþága yrði gerð frá samþykktum vinnureglum um framkvæmdafresti á veittum lóðum vegna ástands á byggingarmarkaði.
Samþykkt var að hægt yrði að framlengja framkvæmdafresti í allt að eitt ár bærist um það beiðni frá lóðarhöfum og gilti um þetta tímabundin undanþága í eitt ár. Sá gildistími er nú runninn út.
Skipulagsnefnd leggur til við bæjarstjórn að tímabundna undanþágan um framkvæmdafresti verði framlengd um eitt ár til viðbótar.