Frístundaráð

Á fundi frístundaráðs þann 14. september sl. voru til umfjöllunar gjaldskrármál íþróttamannvirkja. Ráðið samþykkti að fela Elínu H. Gísladóttur forstöðumanni Sundlaugar Akureyrar að útfæra tillögu vegna leigu á innilaug. Elín mætti á fundinn og kynnti tillögur sínar.

Ellert Örn Erlingsson deildarstjóri íþróttamála sat fundinn undir þessum lið.

Erindi frá LexGames dags. 2. nóvember 2017 þar sem óskað er eftir samstarfi við uppsetningu á hjólahreystibraut á Akureyri.

Ellert Örn Erlingsson deildarstjóri íþróttamála kynnti málið.

Erindi frá Ólafi Jónssyni dagsett 27. október sl. þar sem óskað er eftir afstöðu ráðsins til afsláttartilboðs sem auglýst er á vetrarkortum í Hlíðarfjalli. Óskar bréfritari eftir að tilboðin gildi líka um vetrarkort á gönguskíðasvæðið.

Ellert Örn Erlingsson deildarstjóri íþróttamála sal fundinn undir þessum lið.

Lögð fram íþróttastefna Akureyrarbæjar. Ellert Örn Erlingsson deildarstjóri íþróttamála kynnti stöðu verkefnisins.

Forvarna- og félagsmálafulltrúar óska eftir fjármagni til að hrinda af stað lýðheilsuverkefni sem felst í birtingu auglýsinga á strætisvögnum Akureyrarbæjar. Verkefnið snýst um að kynna fyrir almenningi 5 einföld skref sem stuðla að bættri geðheilsu.

Alfa Aradóttir deildarstjóri forvarna- og frístundamála sat fundinn undir þessum lið.

Lagt fram til kynningar drög að nýju samkomulagi við Félag eldri borgara á Akureyri.

Alfa Aradóttir deildarstjóri forvarna- og frístundamála sat fundinn undir þessum lið.

Lagður fram endurnýjaður samningur við Björgunarsveitina Súlur vegna ársins 2017.

Lögð fram tillaga sviðsstjóra samfélagssviðs um framkvæmd jafnréttisviðurkenninga.