Afgreiðslufundur byggingarfulltrúa

Erindi dagsett 2. október 2020 þar sem Arnar Freyr Jónsson spyrst fyrir um hvort leyfi fengist til að byggja 16 m² viðbyggingu við kjallara hússins nr. 114 við Mýrarveg. Viðbyggingin er hugsuð sem köld útigeymsla og þakið á viðbyggingunni sem gólf á verönd. Þetta er á austurhlið hússins. Meðfylgjandi er mynd er sýnir fyrirhugaða viðbyggingu. Erindið fór í grenndarkynningu sem lauk án athugasemda 25. júní 2021.

Erindi dagsett 20. maí 2021 þar sem Ágúst Hafsteinsson fyrir hönd Akureyrarbæjar sækir um byggingarleyfi fyrir breytingum í austurhluta kjallara Glerárskóla, Höfðahlíð 16. Meðfylgjandi eru teikningar eftir Ágúst Hafsteinsson. Innkomnar nýjar teikningar og brunahönnun 12. júlí 2021.

Erindi dagsett 27. maí 2021 þar sem Hrafn Svavarsson leggur inn fyrirspurn varðandi byggingu bílgeymslu og viðbyggingu við hús nr. 15 við Suðurbyggð. Meðfylgjandi eru skýringarmyndir. Fyrir liggur samþykki eigenda Suðurbyggðar 13. Erindið fór í grenndarkynningu sem lauk án athugasemda 9. júlí 2021.

Erindi dagsett 31. maí 2021 þar sem Rögnvaldur Harðarson fyrir hönd Eyjólfs Árnasonar sækir um leyfi til að byggja viðbyggingu norðan við húsið Álfabyggð 16. Meðfylgjandi eru teikningar eftir Rögnvald Harðarson. Erindið fór í grenndarkynningu sem lauk án athugasemda 9. júlí 2021.

Erindi dagsett 28. júní 2021 þar sem Haraldur S. Árnason fyrir hönd Þ.J.V.Verktaka ehf. sækir um byggingarleyfi fyrir húsi númer 3-5 við Margrétarhaga. Meðfylgjandi er teikning eftir Harald S. Árnason. Innkomin ný gögn 14. júlí 2021.

Erindi dagsett 7. júlí 2021 þar sem Tryggvi Tryggvason fyrir hönd Rok ehf., sækir um byggingarleyfi fyrir breytingum á húsi nr. 4 við Óseyri. Fyrirhugað er að breyta rými í verslunarrými. Meðfylgjandi er teikning eftir Tryggva Tryggvason.

Erindi frá Akureyrarbæ dagsett þann 8. júlí 2021 þar sem sótt er um byggingarleyfi fyrir körfuboltavelli norðan við Glerárskóla. Meðfylgjandi er teikning eftir Þórir Guðmundsson. Innkomnar nýjar teikningar 14. og 15. júlí 2021.

Erindi dagsett 9. júlí 2021 frá Sunnu Axelsdóttur þar sem hún fyrir hönd Hjólreiðafélags Akureyrar (HFA) sækir um stöðuleyfi fyrir 20 feta gám til geymslu fyrir búnað í eigu HFA á svæði Bílaklúbbs Akureyrar. Meðfylgjandi er mynd af fyrirhugaðri staðsetningu gáms ásamt samþykki stjórnar Bílaklúbbs Akureyrar.

Erindi dagsett 21. maí 2021 þar sem Baldur Ó. Svavarsson fyrir hönd Norðurtorgs ehf. sækir um breytingar á áður samþykktum teikningum af Austursíðu 2. Um er að ræða viðbyggingu, breytingar á innra skipulagi og útliti, bílastæðum og viðbótar aðkomu inn á lóðina. Meðfylgjandi eru teikningar eftir Baldur Ó. Svavarsson.

Erindi dagsett 7. október 2016 þar sem Tryggvi Tryggvason f.h. Fasteigna Akureyrarbæjar kt. 710501-2380, tilkynnir framkvæmdir í raðhúsi A-F við Austurbyggð 17, mhl 5, 6 og 7, þar sem gerð er grein fyrir breytingum á innra skipulagi íbúða E og F, það er í samræmi við b.lið greinar 2.3.5. í byggingarreglugerð. Meðfylgjandi eru teikningar eftir Tryggva Tryggvason. Innkomin gögn 27. mars 2020.