Afgreiðslufundur byggingarfulltrúa

Erindi dagsett 13. nóvember 2020 þar sem Guðmundur Oddur Víðisson, fyrir hönd Festi hf., sækir um breytingar á innréttingu frá áður samþykktum teikningum af Tryggvabraut 18-20. Meðfylgjandi eru teikningar eftir Guðmund Odd Víðisson. Innkomin ný teikning 23. nóvember 2020 og fallið er frá umsókn um breytingar utanhúss.

Erindi dagsett 17. nóvember 2020 þar sem Gísli Jón Kristinsson fyrir hönd Landsnets hf. sækir um breytingu á áður samþykktum teikningum af viðbyggingu við tengivirkishús á lóðinni nr. 1 við Rangárvelli. Meðfylgjandi eru teikningar eftir Gísla Jón Kristinsson.

Erindi dagsett 22. september 2020 þar sem Tryggvi Tryggvason fyrir hönd Kjarnagötu 45 húsfélags sækir um byggingarleyfi fyrir svalalokunum á veröndum, svölum og svalagöngum hússins nr. 45 við Kjarnagötu. Meðfylgjandi eru teikningar eftir Tryggva Tryggvason. Innkomnar nýjar teikningar og greinargerð brunahönnuðar 23. nóvember 2020.

Erindi dagsett 21. október 2020 þar sem Þröstur Sigurðsson fyrir hönd íbúðareigenda á 1. og 3. hæð sækir um byggingarleyfi fyrir svalalokunum á 1. og 3. hæð húss nr. 6 við Davíðshaga. Leyfi fyrir svalalokunum á 2. hæð hefur þegar verið veitt. Meðfylgjandi eru teikningar eftir Þröst Sigurðsson og samþykki meðeigenda.

Erindi dagsett 29. október 2020 þar sem Birgir Ágústsson fyrir hönd Búvís ehf. sækir um byggingarleyfi fyrir áfanga eitt á lóð nr. 2 við Grímseyjargötu. Meðfylgjandi eru teikningar eftir Birgi Ágústsson. Innkomnar nýjar teikningar 19. nóvember 2020.

Erindi dagsett 4. nóvember 2020 þar sem Haraldur S. Árnason fyrir hönd Alexanders Benediktssonar sækir um byggingarleyfi fyrir einbýlishúsi á lóð nr. 17 við Nonnahaga. Meðfylgjandi eru teikningar eftir Harald S. Árnason.

Erindi dagsett 13. nóvember 2020 þar sem Kári Magnússon fyrir hönd L2 Fjárfestingafélags ehf. sækir um byggingarleyfi fyrir breytingum á húsi nr. 12 við Þingvallastræti. Fyrirhugað er að breyta innra skipulagi og svölum, setja nýjan kvist og styrkja þak.

Erindi dagsett 24. nóvember 2020 þar sem Fanney Hauksdóttir fyrir hönd Margrétar Jónsdóttur leggur inn fyrirspurn varðandi byggingu garð-/svalaskýlis við hús nr. 29 við Kotárgerði.