Afgreiðslufundur byggingarfulltrúa

789. fundur 05. nóvember 2020 kl. 13:00 - 13:45 Fjarfundur
Nefndarmenn
  • Leifur Þorsteinsson byggingarfulltrúi
Starfsmenn
  • Arnar Ólafsson verkefnastjóri byggingarmála
  • Stefanía G Sigmundsdóttir fundarritari
Fundargerð ritaði: Stefanía Sigmundsdóttir
Dagskrá

1.Ránargata 27 - umsókn um byggingarleyfi vegna hækkunar á þaki

Málsnúmer 2019030115Vakta málsnúmer

Erindi dagsett 23. október 2020 þar sem Valbjörn Ægir Vilhjálmsson fyrir hönd Ríkharðs Ólafs Ríkharðssonar og Bryndísar Vilhjálmsdóttur leggur inn uppfærðar teikningar af húsi nr. 27 við Ránargötu. Meðfylgjandi eru teikningar eftir Valbjörn Ægi Vilhjálmsson.
Byggingarfulltrúi samþykkir erindið.

2.Hafnarstræti 39 - umsókn um byggingarleyfi vegna endurbóta innanhúss

Málsnúmer 2020100577Vakta málsnúmer

Erindi dagsett 20. október 2020 þar sem Árni Gunnar Kristjánsson fyrir hönd 603 ehf. sækir um byggingarleyfi vegna endurbóta innanhúss í húsi nr. 39 við Hafnarstræti. Meðfylgjandi eru teikningar eftir Árna Gunnar Kristjánsson.
Byggingarfulltrúi frestar afgreiðslu með vísan til athugasemda í skoðunarskýrslu.

3.Eyrarlandstún SAk - umsókn um byggingaráform og byggingarleyfi

Málsnúmer 2020100659Vakta málsnúmer

Erindi dagsett 23. október 2020 þar sem Fanney Hauksdóttir fyrir hönd Sjúkrahússins á Akureyri sækir um byggingarleyfi fyrir breytingum á sjúkrahúsinu við Eyrarlandsveg. Fyrirhugað er að bæta við anddyri á norðurhlið B-álmu. Meðfylgjandi eru teikningar eftir Fanneyju Hauksdóttur.
Byggingarfulltrúi heimilar vinnu við gerð undirstaðna en frestar afgreiðslu að öðru leyti með vísan til athugasemda í skoðunarskýrslu.

4.Helgamagrastræti 49 - umsókn um bílastæði og úrtak

Málsnúmer 2020100803Vakta málsnúmer

Erindi dagsett 27. október 2020 þar sem Baldvin Jónsson sækir um að gera bílastæði við hús sitt nr. 49 við Helgamagrastræti. Fyrirhugað er að útbúa bílastæði á lóð fyrir allt að 3 bíla samhliða bílastæði við hús nr. 47b.
Byggingarfulltrúi samþykkir bílastæði með 7 metra úrtaki í kantstein með vísun í vinnureglur um leyfi fyrir bílastæðum og úrtökum í kantstein og þeim skilyrðum sem þar koma fram, enda verði frágangur á lóðamörkum gerður í samráði við nágranna. Umsækjandi greiði kostnað vegna færslu á götugögnum, ef með þarf. Í vinnureglunum er kveðið á um heimild umhverfis- og mannvirkjasviðs til gjaldtöku vegna vinnu við úrtakið.

5.Stórholt 1 - umsókn um breytingar

Málsnúmer BN040547Vakta málsnúmer

Erindi dagsett 28. febrúar 2020 þar sem Þröstur Sigurðsson fyrir hönd Friðriks Karlssonar sækir um byggingarleyfi fyrir breytingum innan- og utanhúss í Stórholti 1. Meðfylgjandi er teikning eftir Þröst Sigurðsson. Innkomnar nýjar teikningar 27. október 2020.
Byggingarfulltrúi samþykkir erindið.

Fundi slitið - kl. 13:45.