Hulda Elma Eysteinsdóttir

L-listinn
hulda.elma.eysteinsdottir@akureyri.is

Hulda Elma Eysteinsdóttir er fædd 27. september 1982 í Reykjavík og ólst hún upp í Neskaupstað. Elma stundaði nám við Verkmenntaskóla Austurlands og útskrifaðist hún sem ÍAK einkaþjálfari frá Keili árið 2010.

Elma er gift Sigurði Grétari Guðmundssyni skipstjóra og saman eiga þau fjögur börn þau Amelíu Ýr, Sonju Björgu, Guðmund Stein og Styrmi Lár.

Elma er fyrrverandi landsliðskona í blaki og hafa íþróttir ávallt verið stór hluti af hennar lífi. Hún hefur séð um styrktarþjálfun hjá Þór og Þór/KA síðustu sex árin en hefur nú látið af störfum. Elma stýrir leikfimi fyrir 60 ára og eldri á Bjargi.

Elma hefur setið í aðalstjórn Þórs og ásamt því hefur hún tekið virkan þátt í félagsstarfi tengdu íþróttaiðkun barna hennar síðan árið 2009.