Lögreglan á Akureyri

Bæjarráð þakkar Páleyju Borgþórsdóttur lögreglustjóra á Norðurlandi eystra, Kristjáni Kristjánssyni yfirlögregluþjóni og Jóhannesi Sigfússyni aðstoðaryfirlögregluþjóni fyrir komuna á fundinn.

Þrátt fyrir fjölgun íbúa og gríðarlega fjölgun ferðamanna hefur verið bent á að jafn margir lögreglumenn sinni útkalli á Akureyri og nágrenni og var árið 1980, við því sé nauðsynlegt að bregðast og fjölga lögreglumönnum. Ekki aðeins hefur málum á borði embættisins fjölgað heldur eru brotin m.v. upplýsingar frá embættinu alvarlegri og á það m.a. við um ofbeldisbrot, kynferðisbrot og heimilisofbeldi, auk þess sem ofbeldi gegn lögreglumönnum hefur aukist. Bæjarstjórn skorar því á ríkisvaldið að tryggja tafarlausar úrbætur í mönnun lögreglunnar á Norðurlandi eystra.