Frumvarp til laga um tímabundnar undanþágur frá skipulags- og byggingarlöggjöf og skipulagi, 1028. mál

Bæjarráð leggur áherslu á að Akureyrarbær hefur áhuga á að taka þátt í að leita lausna varðandi húsnæðsvanda fyrir hælisleitendur í góðri samvinnu við ríkið, en telur varhugavert að tímabundið leyfi verði gefið til búsetu á atvinnusvæðum. Ekki er nægilega ljóst hvaða fordæmi verið er að setja með þessum breytingum. Bæjarráð telur að verði farið af stað með slíkar breytingar megi gera ráð fyrir þrýstingi um að slík leyfi verði framlengd og leiði mögulega til varanlegrar búsetu á svæðum sem ekki hafa verið skipulögð sem slík. Þá telur bæjarráð að skoða þurfi vel hvort og þá hvernig þessi breyting ef af verður hefur á þjónustu sveitarfélaga og að skýrari grein verði gerð á því hvaða afsláttur verði gefinn á kröfum til íbúðarhúsnæðis á atvinnusvæðum. Bæjarráð felur Pétri Inga Haraldssyni skipulagsfulltrúa að senda umsögn um frumvarpið.