Hálönd - umsókn um breytingu á deiliskipulagi

Málsnúmer 2023020876

Vakta málsnúmer

Skipulagsráð - 397. fundur - 01.03.2023

Erindi dagsett 17. febrúar 2023 þar sem Halldór Jónsson f.h. Hálanda ehf. sækir um breytingu á deiliskipulagi fyrir 3. áfanga frístundasvæðis í Hálöndum.

Fyrirhuguð er ný vegtenging milli Hörpulands og Hlíðarfjallsvegar og að tenging Hörpulands við Hyrnuland falli út.

Samhliða er óskað eftir að hámarkshraði á Hlíðarfjallsvegi upp fyrir Hálönd verði lækkaður í 50 km/klst.

Meðfylgjandi eru skýringaruppdráttur og greinargerð.
Jón Hjaltason óflokksbundinn og Sif Jóhannesar Ástudóttir V-lista báru upp vanhæfi við afgreiðslu málsins og var það samþykkt. Véku þau af fundi undir umræðum og við afgreiðslu máls.

Skipulagsráð frestar afgreiðslu þar til fyrir liggur umsögn Vegagerðarinnar og umhverfis- og mannvirkjasviðs Akureyrarbæjar.

Skipulagsráð - 400. fundur - 12.04.2023

Erindi dagsett 17. febrúar 2023 þar sem Halldór Jónsson f.h. Hálanda ehf. sækir um breytingu á deiliskipulagi fyrir 3. áfanga frístundasvæðis í Hálöndum. Fyrirhuguð er ný vegtenging milli Hörpulands og Hlíðarfjallsvegar og að tenging Hörpulands við Hyrnuland falli út. Samhliða er óskað eftir að hámarkshraði á Hlíðarfjallsvegi upp fyrir Hálönd verði lækkaður í 50 km/klst. Meðfylgjandi er skýringaruppdráttur og greinargerð.

Málið var áður á dagskrá skipulagsráðs þann 1. mars sl. og var afgreiðslu frestað þar til fyrir lægju umsagnir Vegagerðarinnar og umhverfis- og mannvirkjasviðs Akureyrarbæjar.
Jón Hjaltason óflokksbundinn bar upp vanhæfi við afgreiðslu málsins og var það samþykkt. Vék hann af fundi undir umræðum og við afgreiðslu máls.


Í ljósi neikvæðrar umsagnar Vegagerðarinnar er umsókn um breytingu á deiliskipulagi hafnað.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.


Skipulagsráð samþykkir að hámarkshraði á Hlíðarfjallsvegi upp fyrir aðkomuveg í Hálönd (Hrímland) verði lækkaður í 50 km/klst. Er skipulagsfulltrúa falið að auglýsa gildistöku breytinga á umferðarhraða í B-deild Stjórnartíðinda að fenginni umsögn Lögreglustjórans á Norðurlandi eystra í samræmi við 3. mgr. 84. gr. umferðarlaga nr. 77/2019.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.