Fjölgun sjálfstætt starfandi leikskóla

Þorlákur Axel Jónsson S-lista, Ragnheiður Lilja Bjarnadóttir L-lista og Þuríður Sólveig Árnadóttir V-lista bóka:

Leikskólar Akureyrar eru reknir af fagmennsku og metnaði. Starfið er kraftmikið og fjölbreytt. Unnið er að enn frekari eflingu þess með innleiðingu nýrrar menntastefnu Akureyrar. Einkavæðingu fylgir flóknari stjórnsýsla og hætta á félagslegri aðgreiningu. Við höfnum öllum hugmyndum um einkavæðingu leikskóla á Akureyri.


Þórhallur Harðarson D-lista og Siguróli Magni Sigurðsson B-lista bóka:

Það gæti orðið hætta á stöðnun í framþróun ef nýjar hugmyndir eru slegnar út af borðinu eins og í umræðu um fjölgun sjálfstætt starfandi leikskóla. Með fjölbreyttu rekstrarformi, ólíkum hugmyndum og hugsjónum opnast á mörg tækifæri sem fá þá að njóta sín. Mat okkar er að skoða ætti fjölbreyttari rekstrarform og nýta nýjar hugmyndir í leikskólamálum með því að skoða gögn, kynna sér reynslu annarra og rýna í rannsóknir. Leikskólastarfið á Akureyri er mjög gott en lengi má gott bæta með hag barnanna í forgrunni, sem og hagstæðari rekstur bæjarins. Það má þó aldrei verða til þess að auka ójöfnuð eða stuðla að félagslegri aðgreiningu.