Norðurgata 16 - fyrirspurn til skipulagssviðs vegna breyttrar notkunar og endurbóta

Erindi dagsett 17. maí 2021 þar sem Ingólfur Freyr Guðmundsson leggur inn fyrirspurn varðandi breytingar í húsi nr. 16 við Norðurgötu. Fyrirhugað er að fjölga íbúðum úr fjórum í fimm, fjölga kvistum og stækka til suðurs og norðurs, einangra húsið og klæða með múrkerfi. Óskað er eftir leyfi til að breyta þakgerð í risþak með steyptum göflum og fjarlægja skorstein. Liggur fyrir samþykkt húsfundar um fyrirhugaðar breytingar.

Lagt fram að lokinni grenndarkynningu erindi Ingólfs Freys Guðmundssonar varðandi breytingu á húsi nr. 16 við Norðurgötu sem felst í að íbúðum fjölgar úr fjórum í fimm auk breytinga á þaki. Engar athugasemdir bárust.

Á fundi skipulagsráðs þann 25. ágúst 2021 var tillaga að breytingum á húsinu við Norðurgötu nr. 16 samþykkt í kjölfar grenndarkynningar þar sem engar athugasemdir bárust. Er nú lögð fram endurskoðuð tillaga sem felur í sér breytingar á þakgerð hússins.