Samningur um samstarf ríkis og Akureyrarbæjar um menningarmál - endurnýjun 2021

Málsnúmer 2019120027

Vakta málsnúmer

Stjórn Akureyrarstofu - 290. fundur - 05.12.2019

Samstarfssamningur ríkis og Akureyrarbæjar um menningarmál rennur út í lok árs 2020. Hefja þarf samningaviðræður í upphafi árs 2020 og því mikilvægt að stjórn Akureyrarstofu setji sér samningsmarkmið.
Stjórn Akureyrarstofu felur starfsmönnum Akureyrarstofu að undirbúa og koma á fundi með hagsmunaaðilum um miðjan janúar þar sem farið verði í að skilgreina sameiginleg markmið.

Stjórn Akureyrarstofu - 315. fundur - 04.03.2021

Drög að menningarsamningi milli Akureyrarbæjar og mennta- og menningarmálaráðuneytisins lagður fram til umræðu.

Eva Hrund Einarsdóttir formaður stjórnar MAk, Hlynur Hallsson safnstjóri Listasafnsins á Akureyri og Þuríður H. Kristjánsdóttir framkvæmdastjóri MAk sátu fundinn undir þessum lið.
Stjórn Akureyrarstofu samþykkir fyrirliggjandi samningsdrög með þeirri breytingu að markmið um fjölda verkefna verði hluti af samningum milli Akureyrarbæjar og Menningarfélags Akureyrar. Stjórnin leggur áherslu á að jafnhliða undirritun verði skrifað undir sameiginlega yfirlýsingu bæjarins og ráðuneytisins um að skilgreind verði ný viðmið um framlög ríkisins til atvinnustarfsemi í listum með hliðsjón af hlutverki Akureyrar sem menningarkjarna og áhrifasvæði hans sem nær langt út fyrir bæjarmörkin og til landsins alls ef út í það er farið, líkt og hlutverk höfuðborgarinnar nær langt út fyrir borgarmörkin.

Stjórn Akureyrarstofu - 319. fundur - 27.05.2021

Samningur um samstarf ríkis og Akureyrarbæjar um menningarmál lagður fram til kynningar.
Svigrúm til verkefna menningarsamnings eykst um 25 m.kr. á milli ára.

Stjórn Akureyrarstofu samþykkir að 2,3 m.kr. fari árlega til Listasafnsins til skráningar listaverka í gagnagrunn. Áætlað er að 22,7 m.kr. fari til annarra verkefna samningsins.


Jafnframt óskar stjórn Akureyrarstofu eftir því við bæjarráð að veittur verði viðauki við fjárhagsáætlun að upphæð 15 m.kr.

Bæjarráð - 3729. fundur - 03.06.2021

Liður 3 í fundargerð stjórnar Akureyrarstofu dagsettri 27. maí 2021:

Samningur um samstarf ríkis og Akureyrarbæjar um menningarmál lagður fram til kynningar.

Svigrúm til verkefna menningarsamnings eykst um 25 m.kr. á milli ára.

Stjórn Akureyrarstofu samþykkir að 2,3 m.kr. fari árlega til Listasafnsins til skráningar listaverka í gagnagrunn. Áætlað er að 22,7 m.kr. fari til annarra verkefna samningsins.

Jafnframt óskar stjórn Akureyrarstofu eftir því við bæjarráð að veittur verði viðauki við fjárhagsáætlun að upphæð 15 m.kr.

Dan Jens Brynjarsson sviðsstjóri fjársýslusviðs og Kristinn J. Reimarsson sviðsstjóri samfélagssviðs sátu fund bæjarráðs undir þessum lið.
Bæjarráð samþykkir beiðni stjórnar Akureyrarstofu með fimm samhljóða atkvæðum og felur sviðsstjóra fjársýslusviðs að útbúa viðauka vegna málsins.