Snjómokstur og hálkuvarnir 2015-2018

Framkvæmdaráð samþykkir að ganga til samninga við eftirtalda bjóðendur sem buðu lægstu verðin, með fyrirvara um að allar kröfur útboðsins séu uppfylltar.
Tilboð bárust í alla flokkana 14, alls 76 talsins, flest tilboð í flokkinn vörubifreið til snjóflutnings eða 16 talsins. Tilboð bárust frá 16 verktökum. Verkfræðistofan Mannvit hefur yfir farið tilboðin og leiðrétt.

Skútaberg ehf. /Árni Helgason ehf. í eftirfarandi flokkum:
Veghefill með framdrifi, veghefill án framdrifs, hjólaskófla stór, hjólaskófla lítil, dráttarvél með snjóblásara og vörubifreið snjóruðningur.

Ingás ehf. í eftirfarandi flokkum:
Dráttarvél lítil (stígamokstur) og dráttarvél með snjóblásara.

Vélaleiga HB ehf. í eftirfarandi flokki:
Hjólaskófla lítil.

Túnþökusala Kristins ehf. í eftirfarandi flokkum:
Traktorsgrafa, dráttarvél með vagni (snjóflutningur) og birgðabíll.

Finnur ehf. í eftirfarandi flokkum:
Hjólaskófla lítil, hjólaskófla minni, traktorsgrafa, dráttarvél stór, dráttarvél með snjóblásara, smávél traktor, smávél bobcat (eða sambærilegar vélar) og dráttarvél með vagni (snjóflutningur).

Viðar Pálmason í eftirfarandi flokki:
Hjólaskófla minni.

Rekverk ehf. í eftirfarandi flokki:
Hjólaskófla minni.

Malbikun KM ehf. í eftirfarandi flokkum:
Traktorsgrafa, smávél bobcat (eða sambærilegar vélar).

G.Hjálmarson hf. í eftirfarandi flokki:
Vörubifreið (snjóflutningur).

Bæjarstjóri greindi frá því að umræður um snjómokstur verða í framkvæmdaráði á morgun þar sem snjómokstur við skóla verður einnig ræddur með það að leiðarljósi að öryggi barna verði haft í fyrirrúmi.

Umhverfis- og mannvirkjaráð samþykkir að framlengja gildandi samninga um eitt ár.