Daggarlundur 9, 11 og 13 - fyrirspurn

Málsnúmer 2014070043

Vakta málsnúmer

Skipulagsnefnd - 183. fundur - 09.07.2014

Erindi dagsett 4. júlí 2014 þar sem Þórir Guðmundsson f.h. ÁK Smíði ehf., kt. 450404-2840, leggur inn fyrirspurn um að breyta gildandi skipulagi fyrir lóðirnar við Daggarlund 9, 11 og 13 í lóð fyrir fimm íbúða raðhús.

Við vinnslu deilskipulags svæðisins var tekið mið af nærliggjandi byggð s.s. við Eikarlund en þar er einungis gert ráð fyrir einbýlishúsum á einni hæð en við það skapaðist samræmi í byggðamynstri. Skipulagsnefnd telur því að umbeðin breyting falli ekki inn í þá hugmyndafræði sem lagt var af stað með og hafnar því erindinu. Bent er á að hægt er að sækja um lausar raðhúsalóðir við Heiðartún, Jaðarsíðu og Höfðahlíð.