Hafnarstræti 106 - ábending um kaup á eigninni

Málsnúmer 2013040092

Vakta málsnúmer

Skipulagsnefnd - 157. fundur - 15.05.2013

Þórhallur Jónsson mætti í viðtalstíma bæjarfulltrúa 11. apríl 2013.
Hann vill að hluti að afmælispeningum í umhverfismálum verði nýttur til kaupa á Hafnastræti 106 og að húsið verði flutt. Hann telur þetta mikilvægt fyrir framþróun miðbæjarins.

Sigurður Guðmundsson A-lista bar upp vanhæfi sitt í málinu og var það samþykkt. Hann vék af fundi.

Skipulagsnefnd þakkar ábendinguna en vísar erindinu að öðru leyti til verkefnishóps um endurskoðun miðbæjarskipulagsins sem nú er í vinnslu. 

Edward H. Huijbens V-lista óskar bókað að hann fagni tillögu Þórhalls Jónssonar sem fram kom í viðtalstíma bæjafulltrúa 11. apríl, um kaup á eigninni Hafnarstræti 106. Eru kaup á eigninni lykill að nýrri sýn fyrir miðbæinn og með því að færa húsið sem á lóðinni stendur opnast gríðarmiklir möguleikar á bættum bæjarbrag, ekki ósvipað því sem finna má bakvið Jómfrúna við Lækjargötu í Reykjavík. Húsið má flytja aftur á upprunalegan stað, Hrísey, ef vilji er fyrir því.

Edward H. Huijbens V-lista fór af fundi kl. 9:10.
Sigurður Guðmundsson A-lista kom inn á fundinn aftur kl. 9:10.