Fréttir

Í febrúar er þemað; Tónlistarbækur. Bækur um tónlist, hljóðfæri, hljómsveitir, tónlistarmenn og ýmislegt fleira sem viðkemur tónlist. Hér má finna ævisögur og umfjallanir um tónlistarfólk sem komið hafa út á íslensku. Úrvalið er engan veginn tæmandi en gefur góða hugmynd um hve fjölþætt umfjöllun um tónlist getur verið.

Sögustaðir og skáld - Frönsk menningararfleifð í túlkun rithöfunda - Sýning á Amtsbókasafninu á Akureyri 31. janúar til 23. mars. Ýmsir íslenskir og frönskumælandi rithöfundar, leikarar, þýðendur og aðilar úr háskólageiranum voru fengnir til að velja sér einn af sögustöðunum og þýða textann eftir franska rithöfundinn.Auk umfjöllunar rithöfundanna fylgir söguleg umfjöllun um hvern sögustað eða söguminjar. Sýningin lýsir því á sama tíma ferðalagi um Frakkland gegnum menningarlegar minjar sem og á vængjum skáldanna.

Blindrabókasafn Íslands er nú Hljóðbókasafn Íslands. Lánþegar Amtsbókasafnsins geta nýtt sér þjónustu Hljóðbókasafnsins ef þeir falla undir reglur þeirra um aðgang að safninu, þ.e.a.s. þjónustan er eingöngu fyrir þá sem af einhverjum ástæðum geta ekki nýtt sér prentað letur. Hér á Amtsbókasafninu er sífellt að bætast við hljóðbókakostinn og allir geta fengið þær lánaðar!

Gamlar bækur eru varðveittar sérstaklega vel á Amtsbókasafninu á Akureyri. Allar bækur gefnar út fyrir 1900 eru settar í sérgeymslu sem kölluð er Steinka. Nafnið er arfleifð úr gamla safninu en þar var eldtraust geymsla sem hafði viðurnefnið Stein-kompan og það síðan stytt í Steinku meðal starfsfólks. Elsta bókin sem varðveitt er hér er frá árinu 1643: SPECIMEN ISLANDIÆ HISTORICVUM : ET Magna ex parte CHOROGRPHICVM : Anno Iesv Christi 874, primum habitari cæptæ: quo simul sentenia contraria, D. IOH ISACI POMTANI, Regis Daniæ Historiographi, in placidam considerationem venit og er eftir Arngrím Jónson, lærða ( Arngrimvm Ionam W. Islandvm).

Síðan árið 2007 hefur verið unnið að myndun blaða og tímarita á Amtsbókasafninu í samvinnu við Landsbókasafn Íslands- Háskólabókasafn. Nú um áramótin var þessu verkefni hætt vegna fjárskorts og verður myndunarstöðin tekin niður. Þegar mest var voru myndaðar allt að 30.000 síður hvern mánuð og þær síðan birtar á vefnum www.timarit.is sem við hvetjum alla til að kynna sér og nota. Við viljum þakka þeim Jónu Kristínu Einarsdóttur og Öldu Ósk Jónsdóttur sem lengst og mest unnu við myndunina og Landsbókasafni fyrir samvinnuna.

Nú er komið að því að hefja nýtt ár með stæl! Í janúar er þemað í bókahillunni í Hofi; Sjálfshjálparbækur og áramótaheit. Flestir þrá að vera í fínu formi og við góða heilsu og margir strengja heilsutengd áramótaheit. Allir fara vel af stað en sumir eiga erfitt með að halda lengi út...

Flestir þrá að vera í fínu formi og við góða heilsu og margir strengja heilsutengd áramótaheit. Allir fara vel af stað en sumir eiga erfitt með að finna líkamsrækt sem hentar. Ef við höfum ekki gaman af ræktinni er áhuginn fljótur að hverfa og við hættum að nenna. Líkams- og heilsurækt getur verið af ýmsum toga og um að gera að finna það sem er skemmtilegt. Við eigum bækur um íþróttir og heilsurækt í tonnatali og fannst við hæfi að vekja athygli á þeim núna í byrjun árs. Við lærum kannski ekki líkamsrækt af bókum en það getur verið góður stuðningur í góðum leiðbeiningum. Kíktu við og fáðu bók um heilsurækt sem þér finnst spennandi - Og svo má auðvitað grípa í bókapressuna :-)

Starfsfólk Amtsbókasafnsins óskar viðskiptavinum sínum alls hins besta á nýju ári og þakkar góðar stundir á árinu sem er að líða - Laugardaginn 29. desember er opið kl. 11:00-16:00 en 30. og 31. desember verður lokað og einnig á nýársdag. Miðvikudaginn 2. janúar mætum við hress og kát eftir áramótin og verðum með opið eins og venjulega kl. 10:00-19:00 - Hlökkum til að sjá ykkur!