Fréttir

Lestrarhvetjandi námskeið fyrir börn í 3. og 4. bekk Í samstarfi Amtsbókasafnsins á Akureyri og Minjasafnsins á Akureyri Þrjú námskeið eru í boði – Skráning hefst 26. maí!

Við þekkjum Einar Áskel og Línu langsokk, Joona Linna og Rebecku Martinsson, Martin Beck og Lisbeth Salander, Kurt Wallander og Sögu Norén og svo mætti lengi telja. Allar þessar persónur og fleiri til fæddust í Svíþjóð og eiga sinn stað í hugum okkar flestra. Eins og góðum sögupersónum sæmir standa þær okkur ljóslifandi fyrir hugskotssjónum og okkur finnst við þekkja þær persónulega. Best af öllu er að við getum rifjað upp kynni okkar við þær hvenær sem er því að allar eru þær aðgengilegar í máli og/eða myndum hér á Amtsbókasafninu á Akureyri.

Álfar og drekar - Þrívíð verk og grafík - Ímyndum okkur fallegt, friðsælt land þar sem álfar og menn búa saman í sátt og samlyndi. En dag einn birtast drekar...

Með hækkandi sól skerðist afgreiðslutíminn hjá okkur örlítið. Aðalbreytingin eins og fyrri ár er sú að lokað verður á laugardögum. Afgreiðslutími Amtsbókasafnsins á Akureyri frá 16. maí - 15. september er því svona: Mánudagar: 10:00-19:00 Þriðjudagar: 10:00-19:00 Miðvikudagar: 10:00-19:00 Fimmtudagar: 10:00-19:00 Föstudagar: 10:00-19:00 Lokað laugardaga og sunnudaga Við hlökkum til að sjá ykkur hress og kát á Amtsbókasafninu í sumar!

Mánudaginn 19. maí verður tölvukerfið Gegnir sem við notum til að skrá útlán óvirkt vegna uppfærslu á hugbúnaði. Uppfærslan stendur yfir fram á fimmtudagsmorgunn. Á meðan á þessu stendur verður ekki hægt að fá lánaðar bækur sem verið er að skila, en að öðru leyti reynum við að láta gesti okkar verða sem minnst vara við þessa vinnu. En fátt er svo með öllu illt að ekki boði nokkuð gott - Vegna uppfærslunnar á bókasafnskerfinu okkar verður hægt að fá DVD-myndir lánaðar sem ekki þarf að skila fyrr en 23. maí :-)

Leikfélag Akureyrar ætlar að sýna okkur leikritið Skemmtilegt er myrkrið innblásturinn er fenginn úr hinum ýmsu þjóð- og draugasögum. Sagan segir af Jóni smala sem í leit sinni að týndu fé lendir í klóm tröllkvenna nokkurra sem fanga hann í helli sínum. Ingibjörg Huld Haraldsdóttir leikstýrir, Helga Mjöll Oddsdóttir sér um leikmynd og búninga, Þóroddur Ingvarsson hannar hljóð og ljós. Í starfsnámi frá leikhúsinu Baggårdteatret í Svendborg er David Enghuus tæknimaður og sér hann um tæknilegar hliðar sýningarinnar. Leikarar eru: Aðalbjörg Árnadóttir, Hannes Óli Ágústsson og Hilmir Jensson.

Teiknimyndasögur eru listform sem felst í því að segja sögu í myndum sem raðað er upp í ákveðna röð. Öll þekkjum við Andrés önd en teiknimyndasögur eru mun fremur bókmenntagrein sem ætluð er fullorðnum lesendum og löng hefð fyrir útgáfu þeirra í Evrópu og Bandaríkjunum. Hér á Amtsbókasafninu er rekin öflug teiknimyndasögudeild með áherslu á fjölbreyttar teiknimyndasögur frá ýmsum heimshornum.

Gamlar bækur fá nýtt og skemmtilegt hlutverk. Sölusýning á fallegum bókaskrínum sem unnin eru af Ingu Völu Birgisdóttur.