Fréttir

Í dag eru liðin 187 ár síðan Amtsbókasafnið var stofnað. Þetta er hinn eiginlegi afmælisdagur safnsins og við óskum bæjarbúum öllum til hamingju með daginn! Þrátt fyrir háan aldur er safnið ungt í anda og þrátt fyrir að vera elsta stofnun Akureyrarbæjar er hún bæði ern og spræk :-)

Við höfum lokað á sumardaginn fyrsta en opnum aftur á föstudaginn kl. 10:00. Óskum ykkur sólríks sumars og þökkum fyrir góðan vetur!

Lestrarsalur safnsins er á 2. hæð og er hann opinn frá klukkan 10:00-19:00 alla virka daga og klukkan 11:00-16:00 á laugardögum. Á lestrarsal eru lesbásar og borð til afnota fyrir gesti og opinn aðgangur að þráðlausu neti.

Við lokum aðeins yfir páskana þ.e. frá 17. apríl - 21. apríl. Opnum síðan venju samkvæmt þriðjudaginn 22. apríl kl. 10:00 - Gleðilega páska!

Í apríl sýnum við nokkra dýrgripi úr innstu geymslum safnsins.

Hvar værum við án tækninnar? Nýjasta tækni og vísindi byggja á rannsóknum og þróun í gegnum tíðina. Allt okkar daglega líf tengist tækni og vísindum og líklega gætum við ekki án nútímatækni verið. Hvort sem það eru stórvirkar vélar eða fíngerður hugbúnaður erum við háð öllum þeim þægindum og möguleikum sem tæknin lætur okkur í té.

Fimmtudaginn 6. mars 2014 eru tíu ár liðin frá því að viðbygging við Amtsbókasafnið á Akureyri var formlega opnuð. Af því tilefni bjóðum við bæjarbúa og aðra velkomna í heimsókn og allir gestir fá eitthvað góðgæti.

Hönnun er alstaðar! Hugtakið liggur svo að segja í loftinu og af því virðist stafa eins konar ljóma. Hönnun er viðurkenndur hluti menningarsögunnar og það þykir sjálfsagt að fólk þekki sígilda nútímahönnun eins og listir. Flest allt í umhverfi okkar er meira eða minna hannað og góð hönnun er þegar tekist hefur að sameina fagurfræðilegt og hagkvæmt gildi vöru eða þjónustu.