Nú er sögustundin aftur komin í gang og er sem fyrr alltaf á fimmtudögum kl. 16:15 - Í september lesum við úr nýjum barnabókum og höfum gaman saman :-)
Gamlar bækur og nýlegar bækur - Bækur sem við höfum afskrifað eða vinir okkar hafa gefið safninu - Barnabækur - Unglingabækur - Fræðibækur - Allskonar bækur
Úrvalið er mikið og alltaf má finna gullmola inni á milli!
Uppskeruhátíð Skoppað á bókasafnið er laugardaginn 20.sept. kl.14-15
Skoppað á bókasafnið - Sjáumst á laugardaginn kl. 14:00-15:00!
Við hvetjum alla krakka sem tóku þátt í Skoppað á bókasafnið til þess að koma og hafa gaman saman!
Hlökkum til að sjá ykkur :-)
Nú styttist í að vetraraafgreiðslutíminn taki gildi hjá okkur eða frá og með 16. september. Áfram verður opið kl. 10:00-19:00 virka daga en við bætist laugardagsopnun kl. 11:00-16:00. Lokað verður á sunnudögum.
Frá árinu 1965 hefur UNESCO Menningarmálastofnun Sameinuðu þjóðanna tileinkað 8. september málefnum læsis. Af því tilefni verður sett upp Lestrartjald hjá okkur í barnadeildinni á Amtsbókasafninu. Þar er öllum börnum boðið að skríða inn í tjald, fá teppi, kodda og bók svo allir geti átt notalega lestrarstund saman.
Fáðu þér bók og kúrðu í tjaldi en ekki í spjaldi....:-)
Hlökkum til að sjá ykkur á milli 10:00 og 19:00!
100 Matreiðslubækur í Hofi. Bókahillan hefur verið fyllt af nýjum bókum og í september er þemað matur og matargerð.
Matur er okkur flestum hugleikinn og matargerð og uppskriftir heilla margan manninn. Málshættir og orðtök sem tengjast mat á einhvern hátt eru óteljandi og hér er nokkur dæmi:
Best er það kjöt, sem beini er næst - Betri er lítill fiskur en tómur diskur - Ekki er sopið kálið þótt í ausuna sé komið - Fleira má bíta en feita steik - Gleymt er þá gleypt er - Oft er kám á kokks nefi - Það munar ekki um einn kepp í sláturtíðinni!
Akureyrarvaka er haldin ár hvert, síðasta laugardag í ágúst. Í ár er hún laugardaginn 30. ágúst og við tökum að sjálfsögðu þátt í gleðinni og verðum með þrjá dagskrárliði.
Þegar hlutir hafa lokið hlutverki sínu er hægt að skapa þeim nýjan tilgang með hugkvæmni og listfengi.
Á Amtsbókasafninu hefur verið sett um sýning þar sem fimm konur sýna hvernig gamlir hlutir, gömul föt og jafnvel skyndibitaumbúðir geta breyst í listaverk eða nytjahluti.
Hér er bæði endurunnið og endurhannað!
Í sumar er þemað; Ísland fagurt og frítt.
Land elds og ísa, land fjalla og engja, land birtu og myrkurs.
Landið sem getur verið mjúkt eins og mosi eða hrjúft eins og úfið hraun. Andstæður, fjölbreytileiki og litadýrð einkenna ljósmyndabækur um Ísland og myndefnin eru óþrjótandi.
Skoðið og njótið!