Fréttir

Föstudaginn 24. ágúst verður opnuð sýning á Héraðsskjalasafninu, Brekkugötu 17 og ber hún nafnið - Fólkið í kaupstaðnum. Þar eru teknir fyrir íbúar bæjarins og þeim gerð skil í ættfræði og skjölum. Þeir sem vilja rekja ættir sínar til þessa fólksins sem bjó í kaupstaðnum 1862 geta beðið um aðstoð hjá skjalavörðum. Sýningin verður opin til 24. september kl. 10:00-19:00 á virkum dögum.

Það hafa verið miklar framkvæmdir og tilfæringar hjá okkur í sumar – Bækur og hillur hafa ferðast milli staða og hæða á meðan nýtt gler var sett í alla austurhlið hússins. Ýmsir efnisflokkar hafa fengið nýtt heimili og hillur sem áður stóðu þversum eru nú langsum – Fræðirit sem voru á 1. hæð hafa verið flutt upp á 2. hæð og tímaritin sem voru uppi eru nú komin niður o.fl. o.fl.

Einstaklingar, fyrirtæki, félög, hópar eða samtök : Langar ykkur að senda Akureyri kveðju í tilefni 150 ára afmælisins? Við bendum öllum vinum Akureyrar, bæði nær og fjær, á að senda má Akureyri afmælikveðju í tilefni tímamótanna. - Við fögnum hverri kveðju en mest gaman er að fá heimagerð kort með persónulegri kveðju! Senda kortið stílað á Amtsbókasafnið á Akureyri - Brekkugötu 17 - 600 Akureyri - eða komið með kortið og stingið því í rauða afmæliskorta-póstkassann sem staðsettur er í anddyri Amtsbókasafnsins. Kortin verða síðan öll sett upp á sýningu í lok árs!

Brot af því ferskasta sem fer í útlán hjá okkur birtist nú hér á vefnum okkar - Hér til hægri skiptast á kápumyndir nýrra bóka sem hægt er að smella á og fá nánari upplýsingar um hverja bók fyrir sig - Fylgstu með - Lífið er alltaf betra með góðri bók :-)

Sumarið er tíminn til að lesa allar bækurnar sem við höfum alltaf ætlað að lesa en ekki gefið okkur tíma til...!

Við erum að grisja og seljum afskráðar bækur á 50 kr. - Barnabækur - Unglingabækur - Fullorðinsbækur - Tilvalið að uppfæra bókahilluna í sumarbústaðnum eða á baðherberginu eða bara bæta við nokkrum gullmolum í einkasafnið!

Samsýningin ALLT + varð upphaflega til í samstarfi Myndlistarfélagsins á Akureyri og Sjónlistamiðstöðvarinnar og hét þá Hér, þar og allstaðar, síðan til styttingar Alltið og að lokum ALLT (í) PLÚS.Hér, þar og allsstaðar samanstendur af fjölda einkasýninga undir einum hatti „út um allt“ á Akureyri. Formleg opnun var 23. júní og sýningar standa út Akureyrarvöku, eða til mánudagsins 3. september.

Það er alltaf margt að sjá á Amtinu - Í sumar sýna nokkrir listamenn verk sín hjá okkur - Sjón er sögu ríkari!