Fréttir

Bókasafnsdaguirnn 2013 er haldinn hátíðlegur í dag, 9. september. Tilgangur dagsins er að vekja athygli á mikilvægi bókasafna fyrir þjóðfélagið. Bókasöfn gegna mikilvægu hlutverki sem miðstöð fræðslu og þekkingar, fyrir framboð á tónlistar- og myndlistarefni, yndislestri og afþreyingu, fyrir aðstoð við upplýsingaöflun og gagnaleit. Bókasöfn eru auk þess samkomuhús, menningarmiðstöðvar og góður staður til að vera á.

Alþjóðadagur læsis sunnudaginn 8. september 2013 Lestrarvöfflur kl. 14:00 – 16:00 á Öldrunarheimilum Akureyrar; Hlíð og Lögmannshlíð. Þema dagsins er: Ungir - Aldnir

Af öryggisástæðum eru fyrirhugaðar breytingar á lykilorðum til innskráningar á vefinn. Lykilorðum sem innihalda kennitölu notanda, hluta úr henni eða einfaldar talnarunur á borð við 1234 verður breytt fyrir lok ágúst, nema notandi verði búinn að gera það sjálfur á Mínar síður > Stillingar > Mitt lykilorð á gegnir.is fyrir þann tíma. Hafðu samband við okkur ef þú lendir í vandræðum með innskráningu. Síminn er 460 1250 og netfangið er bokasafn@akureyri.is

Bókamarkaðurinn okkar slær alltaf í gegn - Nú gefst fólki tækifæri til að gera reyfarakaup dagana 2. - 12. september 2013.

Í september er þema bókahillunnar í Hofi fólk og menning. Á Akureyri býr fólk sem á uppruna sinn víða um heim. Menningin er margbrotin og tungumálin eru mörg. Á Amtsbókasafninu eru til bækur um allt milli himins og jarðar og á mörgum tungumálum. Fyrir utan íslensku er mest til á enskri tungu en einnig er nokkuð úrval bóka á öðrum Evrópumálum auk orðabóka. Fjöldinn allur af skáldsögum er af erlendum uppruna og hægt er að fá yfir 10000 bækur sem þýddar hafa verið úr hinum ýmsu tungumálum. Kvikmyndasafnið okkar er einnig afar fjölmenningarlegt og við bjóðum myndir frá yfir 20 þjóðlöndum sem síðan bjóða tal eða texta á enn fleiri málum. Amtsbókasafnið vill hafa eitthvað fyrir alla og öllum er velkomið að koma með tillögur að efniskaupum fyrir safnið. Tölum saman!

Amtsbókasafnið laugardaginn 31. ágúst kl. 13:00-19:00 13:00-17:00 - Álfabækur – síðasti sýningardagur. 15:00 - Hugmynd eða veruleiki. Listamaðurinn spjallar um verk sín og segir frá því hvernig hægt er að koma stóru bókasafni niður í einn skókassa. (Undan hælaháum!) 17:00-19:00 - Frátekin verk afhent eigendum sínum. (Þeir sem keypt hafa verk geta sótt þau á þessum tíma)