Endurskoðuð mannauðsstefna samþykkt í bæjarstjórn
Þann 6. september síðastliðinn samþykkti bæjarstjórn endurskoðun á mannauðsstefnu Akureyrarbæjar með 11 samhljóða atkvæðum.
Helsta breyting í endurskoðuninni er að þjónustustefna og velferðarstefna starfsmanna hafa nú verið sameinaðar mannauðsstefnunni, auk þess hefur köflum verið endurraðað og nokkrir þeirra styttir. Skilgreindir voru mælikvarðar sem notaðir verða til að veita stefnunni eftirfylgni.
Tólf manna starfshópur vann að endurskoðuninni og óskaði eftir umsögnum frá stéttarfélögum, trúnaðarmönnum, fagnefndum og starfsfólki bæjarins. Gagnlegar umsagnir bárust sem nýttar voru til að bæta mannauðsstefnuna ennfrekar.
19.09.2016 - 13:12
Lestrar 181