Fréttir

Þann 8. apríl næstkomandi fagnar Ferðafélag Akureyrar 80 ára afmæli. Sama dag kl. 17.00 verður opnuð með viðhöfn sýning í anddyri Amtbókasafnsins með gömlum munum, skjölum og myndum úr sögu félagsins. Sýningin mun standa uppi í safninu allan aprílmánuð og gefst þá kærkomið tækifæri til að kynna sér þetta gamla og rótgróna félag og starfsemi þess. Þá verða haldnir þrír fyrirlestrar í kaffiteríu Amtbókasafnins í apríl um einstaka þættir í sögu félagsins. Munu allir fyrirlestrarnir hefjast kl. 20:00 og gefst þá í leiðinni tækifæri til að skoða afmælissýninguna og spjalla saman um gamla daga.

Árlega tilnefna börn á aldrinum sex til tólf ára bestu barnabækur ársins. Tilnefningarnar fara fram í grunnskólum og bókasöfnum um allt land. Veitt eru verðlaun fyrir eina frumsamda bók og aðra þýdda og fá höfundur og þýðandi þeirra bóka sem hljóta flest atkvæði að sjálfsögðu verðlaun. Verðlaunin eru veitt ár hvert á sumardaginn fyrsta við hátíðlega athöfn. Söfn um allt land taka þátt og bíða börn, bókaverðir og kennarar spennt eftir þessum viðburði.

Kæru frábæru safngestir, lánþegar og aðrir: - Nú eru páskar framundan og meðfylgjandi auglýsing sýnir afgreiðslutímann hjá okkur um það leyti. Snjallræði: Komið þriðjudaginn 22. mars eða miðvikudaginn 23. mars og fáið lánaða venjulega kvikmynd. Í stað þess að hafa hana í 2 daga getiði haft hana í 6-7 daga!!! Eintómur gróði! smile emoticon Súkkulaðiegg og kvikmyndir/sjónvarpsefni = góð blanda!!!!!

Svuntur og kokkabækur - Tvær vinkonur sýna hér skemmtilegt safn af sögulegum svuntum og merkilegum kokkabókum sem þær hafa sankað að sér í gegnum árin.

Í gær var nýr vefur, gegnir.is í leitir.is opnaður á slóðinni http://leitir.is/Gegnir. Einnig er hægt að komast á vefinn með því að slá inn http://gegnir.is upp á gamla mátann. Nýi vefurinn er gerður í sama umhverfi og leitir.is en hann hefur eigið útlit og á honum er aðeins leitað í safnkosti Gegnis.

Brunasandur í Vestur-Skaftafellssýslu er lítið byggðarlag sem varð til í kjölfar Skaftáreldanna 1783-84. Eldurinn eyddi og brenndi en þarna breytti hann landsháttum til muna þannig að þar sem áður flæmdist jökulvatn um eyðisanda varð lífvænlegt umhverfi í skjóli hraundyngjunnar og sérstæð byggð varð til.

Brunasandur í Vestur-Skaftafellssýslu er lítið byggðarlag sem varð til í kjölfar Skaftáreldanna 1783-84. Eldurinn eyddi og brenndi en þarna breytti hann landsháttum til muna þannig að þar sem áður flæmdist jökulvatn um eyðisanda varð lífvænlegt umhverfi í skjóli hraundyngjunnar og sérstæð byggð varð til. Níu fræðimenn á sviði sagnfræði, þjóðfræði, fornleifafræði, líffræði og jarðfræði tóku sig saman um að kafa í sögu og samtíma hinnar ungu sveitar og gera ýtarlegar rannsóknir á mótun lands og samfélags. Árangurinn er óvenjulegt rit, fagurlega úr garði gert, sem vekur áhuga og vísar leiðina í umhyggju og nálgun við landið okkar. Hiklaust má segja að þarna séu farnar nýjar leiðir í rannsóknum á íslenskrar byggðasögu