Fréttir

Kniplkonur á Akureyri ætla að kynna og sýna handverk sitt klukkan 13:00-16:00 fimmtudaginn 25. og föstudaginn 26. ágúst nk.

Í ágúst opnar sýningin Þetta vilja börnin sjá! en þar verða sýndar myndskreytingar í íslenskum barnabókum eftir 20 myndlistarmenn sem gefnar voru út á árinu 2015.

„We are Ós / Þetta er us“ Orðlistasýningin „We are Ós / Þetta er us“ er einn spennandi liður í því að fagna 100 ára kosningarétti kvenna á Íslandi í ár. Hugmyndin að baki sýningunni byggir á nýrri nálgun þar sem tungumál og bakgrunnur allra rithöfunda er velkomin; raddir sem ekki hafa áður heyrst í íslenskum bókmenntun. Á sýningunni gefur að líta brot eða fullunnin verk, eitt frá hverjum af þeim níu rithöfundum sem stofna Ós Pressuna. Þær koma frá Íslandi, Póllandi, Bandaríkjunum, Ástralíu, Skotlandi, Brasilíu og Kanada.

Okkar framlag til Jónsmessuvöku á Akureyrir er hinn hæfileikaríki Vilhjálmur Bergmann Bragason. - Hann les úr nýjum og eldri verkum í bland, t.d. nýja leikverkinu sem Nýræktarsjóður styrkir og síðan mun hann mögulega fara með einhver gamanmál og jafnvel tónlist - Við byrjum kl. 17:00 fimmtudaginn 23. júní og þið eruð öll velkomin :-)

Samspilastund í hádeginu á fimmtudag í tengslum við Vöku, þjóðlistahátið - Komdu að spila og syngja með listamönnum Vöku eða bara hlýða á og fá þér góðan hádegisverð. Amtsbókasafnið, kl. 12:30 - 13:30

Á sýningunni ENDURBÓKUN má sjá brot af verkum úr smiðju ARKA, hópi ellefu listakvenna sem stunda bókverkagerð. Öll verk á sýningunni eiga það sameiginlegt að vera unnin úr gömlum bókum. Flestar þeirra voru fengnar hjá bókasöfnum, en bókasöfn afskrifa árlega nokkurn fjölda bóka til frekari útlána. Þessar gömlu bækur, sem lokið hafa hlutverki sínu, hafa öðlast nýtt líf í einstæðum listaverkum.

Akureyri - bærinn minn. Lestrarhvetjandi námskeið fyrir börn í 3. og 4. bekk í samstarfi Amtsbókasafnsins og Minjasafnsins á Akureyri

Starfsmenn Amtsbókasafnsins á Akureyri ætla að viða að sér enn meiri fróðleik á svokölluðum fræðslumorgni starfsfólks safnsins. Hann verður haldinn föstudagsmorguninn 27. maí og verður safnið þar af leiðandi ekki opið fyrir útlán fyrr en kl. 13:00.