Starfsfólk Ráðhússins stendur fyrir handverkssýningu í tilefni af 150 ára afmæli Akureyrar. Á sýningunni, sem opnar á morgun, föstudag, kl. 12.00, gefur að líta fjölbreytt handverk sem og ýmiskonar hugðarefni sem starfsfólk hefur unnið að í frítíma sínum. Sýningin stendur fram á næstkomandi þriðjudag.

Starfsfólk er hvatt til þess að skrifa undir þjóðarsáttmála um baráttu gegn einelti sem finna má á heimasíðunni www.gegneinelti.is. Þannig látum við gott af okkur leiða og leggjum okkar af mörkum við að skapa umhverfi þar sem áhersla er lögð á góð samskipti.

Silfurtunglið býður vinnustöðum Akureyrarbæjar hópafslátt á sýninguna: Ég var einu sinni frægur. Og býður miðann á 2000 krónur fyrir stóra hópa. Stórleikararnir Þráinn Karlsson, Gestur Einar og Alli Bergdal leika sig sjálfa; gamla bitra geðilla leikara sem halda að þeir séu virtir, dáðir og sívinsælir. Sýningin gerist á Kanarí og fjallar um ferð eldri borgara frá Akureyri til Kanarí sem fer algjörlega úr böndunum. Leikararnir nota sögur úr eigin reynslu, Gestur Einar þolir ekki Gogga úr Stellu í Orlofi, Alli Bergdal þolir ekki Skralla trúð og Þráinn Karlsson þolir ekki þegar fólk segir við hann; mikið líturðu vel út!