Frá og með 23. janúar og út febrúar 2013 stendur starfsmönnum Akureyrarbæjar til boða að kaupa árskort í Sundlaugar Akureyrar á 50% afslætti eða kr. 16.250. Fullt verð á árskorti er kr. 32.500. Um er að ræða tilraunaverkefni og byggist áframhaldið á hversu margir nýta sér tilboðið. Starfsmenn þurfa að sýna skilríki og haus af síðasta launaseðli í afgreiðslu Sundlaugar Akureyrar til að geta tryggt sér þetta magnaða heilsueflingartilboð. Öðrum fyrirtækjum og hópum mun einnig standa til boða afsláttur af magnkaupum á árskortum í Sundlaugar Akureyrar í samræmi við samþykkt Íþróttaráðs frá 6. desember 2012. Nánar kynnt í febrúar.

Þann 15. janúar nk. verða haldin námskeið í gerð Comenius og Gruntvig samstarfsumsókna. Námskeiðið er haldið í sal Endurmenntunar HÍ en hægt er að óska eftir aðgengi að námskeiðinu í gegnum fjarfundabúnað hjá SÍMEY. Umsóknarfrestur er 21. febrúar nk.

Þriðjudaginn 8. janúar verður haldin kynning á SAP Skjalaskápnum. Í skjalaskápnum eru útbúin m.a. brottfarar- og breytingarblöð. Þar er einnig hægt að skoða skjöl sem fylgja starfsmanni úr ráðningarkerfi en starfsferilskrá og prófskírteini flytjast yfir í skjalaskáp við ráðningu starfsmanns.

Gleðileg jól kæru samstarfsmenn. Með jólakveðju, Inga Þöll, bæjarlögmaður

Starfsmannaþjónusta Akureyrarbæjar sendir öllum hlýjar jólakveðjur og þakkar fyrir samstarfið á árinu sem er að líða. Megi nýja árið færa ykkur gæfu og gleði. Með jólakveðju, Aðalborg, Alma, Björg Leós., Björg T., Dóra, Hafdís, Halla, Heimir, Ingunn, Jóhanna, Jón Stefán, Kristjana, Sigrún og Þórhildur