Hið árlega ARTIC-NORAK golfmót starfsmanna Akureyrarbæjar verður haldið í fyrsta skipti á FÖSTUDAGINN (ef veður og vallaraðstæður leyfa). Mæting kl. 13:00 uppá Golfvöll GA við Jaðar. Þátttökugjald er 1.000.- per einstakling (greiðist á mótstað).

Námskeiðið Verkefnastjórnun – vinnulag sem virkar verður fjarkennt frá Endurmenntun Háskóla Íslands til Akureyrar og hefst námskeiðið 15. októbe. Námskeiðið er frítt fyrir félagsmenn í stéttarfélaginu Kjölur.

Skráning er hafin á Skólaþing sveitarfélaga 2013 en það verður haldið á Hilton Nordica hóteli mánudaginn 4. nóvember nk. Halldór Halldórsson, formaður Sambands íslenskra sveitarfélaga, setur skólaþingið en meðal fyrirlesara má nefna Anders Balle, formann danska skólastjórafélagsins, Illuga Gunnarsson, mennta- og menningarmálaráðherra og Ingvar Sigurgeirsson, prófessor við menntavísindasvið Háskóla Íslands.

Öryggistrúnaðarmenn og verðir eiga að vera til staðar á öllum vinnustöðum (vinnuverndarfulltrúar) og ber vinnustöðum (skv. lögum nr 46/1980) að sjá til þess að þessir aðilar fái tækifæri til þess að afla sér nauðsynlegrar þekkingar og menntunar varðandi aðbúnað, hollustuhætti og öryggi á vinnustöðum. Í haust verða haldin tvö námskeið á Akureyri fyrir öryggistrúnaðarmenn og verði.

Lokað verður hjá starfsmannaþjónustunni 26, 27 og 30. september vegna útborgunar. Þriðjudaginn 1. október verður opið eins og venjulega frá kl. 9:00 -16:00.

Minni á að umsóknir um TV einingar skulu berast starfsmannaþjónustu Akureyrarbæjar fyrir 14. október 2013

Samkvæmt Mannauðsstefnu Akureyrarbæjar á allt nýtt fastráðið starfsfólk að fara á nýliðanámskeið þar sem það er frætt um starfsemi og markmið Akureyrarbæjar ásamt réttindum sínum og skyldum. Miðvikudaginn 2. október nk. verður boðið upp á fræðslu fyrir nýtt starfsfólk hjá Akureyrarbæ.

Niðurstöður starfsmannakönnunar um heilsu, líðan og starfstengd viðhorf starfsfólks hjá Akureyrarbæ liggja nú fyrir. Könnunin var lögð fyrir starfsmenn Akureyrarbæjar í þriðja skiptið sl. vor en áður var könnunin lögð fyrir veturna 2010 og 2011. Niðurstöðurnar voru kynntar fyrir stjórnendum deilda og stofnana bæjarins á sérstökum fundi þann 11. september síðastliðinn en þeim er ætlað að miðla niðurstöðunum áfram til starfsfólks síns. Heildarskýrsla er tilbúin og er hún meðfylgjandi þessari frétt.