Ellingsen býður starfsfólki Akureyrarbæjar 25% afslátt af útivistarfatnaði og skóm dagana 23.-24. nóvember. Það eina sem starfsmenn þurfa að gera er að prenta út boðskortið og koma með í búðina.

Menningarfélag Akureyrar býður starfsmönnum Akureyrarbæjar 15% afslátt á gjafakortum í nóvember. Gjafakortið kemur í fallegum umbúðum og það er hægt að nota á alla viðburði í Hofi og Samkomuhúsinu. Kortið gildir einnig í hönnunarversluninni Kistu og á veitingastaðnum 1862 Nordic Bistro.

Starfshópur skipaður af Velferðarráði fékk það hlutverk í apríl 2013 að skoða samvinnu og / eða samþættingu dagþjónustu aldraðra í Víðilundi og í Hlíð. Niðurstaða hópsins var m.a. að stjórnun dagþjónustu yrði á einni hendi og stýrt frá Öldrunarheimilum Akureyrar. Dagþjónustan í Víðilundi tilheyrði Búsetudeild bæjarins um árabil og dagþjónustan í Hlíð Öldrunarheimilum Akureyrar. Kom þessi breyting að hluta til 1. september 2014 og síðan endanlega 1. janúar 2015. Á öllu tímabilinu hefur verið unnið með starfsfólki á báðum einingum þar sem skoðað hefur verið hvernig framtíðarskipulagið eigi að vera m.t.t. að hámarka samlegð og auka gæði starfseminnar í heild.

Helga Íris Ingólfsdóttir hefur verið ráðin verkefnisstjóri brothættra byggða fyrir Hrísey og Grímsey. Helga Íris er búsett á Dalvík en mun hafa aðstöðu á skrifstofu sveitarfélagsins í Hrísey. Helga hefur margskonar starfsreynslu sem nýtist henni í nýju starfi. Hún vann meðal annars á umhverfissviði Dalvíkurbyggðar í fimm ár og hefur reynslu af stjórnsýslunni og því að stjórna verkefnum sem ólíkir aðilar koma að. Helga er sérstök áhugamanneskja um íbúalýðræði og tækifæri fólks til þess að hafa áhrif á samfélag sitt og umhverfi.

SINFÓNÍUHLJÓMSVEIT ÍSLANDS flýgur norður með stórbrotna tónlist í farteskinu; nýtt verk Daníels Bjarnasonar, ægifagran klarínettkonsert Mozarts og stórbrotna sinfóníu Tsjajkovskíjs. Tónleikarnir verða í Hofi þriðjudaginn 27. október kl. 18.00. Aðgangur er ókeypis og allir velkomnir.