Á heimasíðu persónuverndar www.personuvernd.is er að finna upplýsingar um fundarröð þeirra um landið í október og nóvember, þar segir "Persónuvernd heldur í kynningarherferð um landið í október og nóvember þar sem áhugasömum verður boðið að sækja kynningarfundi um nýju persónuverndarlöggjöfina. Fundaröðin hefst á Akureyri miðvikudaginn 31. október og lýkur í Reykjavík mánudaginn 26. nóvember. Allir eru velkomnir". Dagskrá fundarraðarinnar má sjá með því að smella HÉR. *Fundurinn verður tekinn upp og honum streymt á vefsíðu Persónuverndar.

Á heimasíðu Sambands íslenskra sveitarfélaga er áhugaverð frétt þar sem fjallað er um misskilning sem gætt hefur í innleiðingu leik- og grunnskóla á nýjum persónuverndarlögum. Þar segir að persónuvernd hafi sent frá sér ábendingu þar sem vakin er athygli á þessum misskilningi - í ábendingu persónuverndar kemur m.a. fram að skólar virðist hafa tilhneigingu til þess að ganga lengra en gildissvið laganna gefur tilefni til, s.s. í aðgangsstýringum að kennslustofum, trúnaðaryfirlýsingum sem foreldrar hafa verið beðnir um að undirrita, afhendingu bekkjarlista og myndatökum af almennum viðburðum á vegum skóla (www.samband.is). Fréttina í heild sinni má lesa með því að smella HÉR og ábendingu persónuverndar má lesa með því að smella HÉR.

Ofangreind fyrirsögn er fyrirsögn dreifirits sem framkvæmdanefnd um kvennafrí útbjó og dreifði um landið fyrir kvennafrídaginn 24. október 1975. Í því riti voru settar fram þær ástæður sem lágu að baki áskorun þess efnis að konur legðu niður störf sín og sameinuðust undir kjörorðum kvennaárs Sameinuðu þjóðanna, þ.e. jafnrétti, framþróun og frið. Allsherjarþing Sameinuðu þjóðanna hafði ákvarðað að árið 1975 yrði sérstaklega helgað málefnum kvenna. Á heimasíðu Kvennasögusafns Íslands er að finna ýmis gögn sem varða mál kvenna og þess á meðal er fróðleikur um kvennafrídaginn og sögu hans hér á landi. Safnið var stofnað þann 1. janúar 1975 og á því ári þann 24. október var fyrsti kvennafrídagurinn á Íslandi. Sagan sjálf er með þeim hætti að upphaflega stóð til að um verkfall kvenna yrði að ræða en vegna viðbragða var gripið til málamiðlunar um það að útganga úr vinnu yrði undir formerkjum frís. Frá þessum fyrsta degi hefur tímalengd, og þar með klukkan hvað, þess hvenær konur leggja niður vinnu miðast við þann launamun sem er til staðar á milli karla og kvenna þá stundina – því má segja að þegar kvennafrídagurinn í núverandi mynd leggst af þá hefur launamun kynjanna verið útrýmt. (Heimild: www.kvennasogusafnid.is)

Í vetur mun Akureyrarbær bjóða upp á hádegisfyrirlestraröð þar sem fjallað verður um stefnur bæjarins.

Árlegt árvekniátak bleiku slaufunnar er í fullum gangi og þann 12. október er hinn árlegi bleiki dagur - á þeim degi, og í tilefni hans, hefur fólk gjarnan klæðst bleiku bæði sér til skemmtunar og "keppnis". Vinnustaðir Akureyrarbæjar hafa ekki látið sitt eftir liggja í vitundarvakningunni í gegnum árin og lagt metnað í það að vera sem bleikastir á bleika daginn og hvetur ritstjórn starfsmannahandbókar starfsfólk til þess að hafa sinn vinnustað sem bleikastan og senda okkur bleiku-myndirnar til birtingar í handbókinni. Myndir sendist á netfangið starfsmannahandbok@akureyri.is Vakin er athygli á því að Krabbameinsfélag Akureyrar og nágrennis (KAON) er með opnunarhátíð föstudaginn 12. október kl. 16:00 þar sem þau ætla fagna þeim tímamótum að flytja í nýtt húsnæði, þ.e. að Glerárgötu 34, 2. hæð - þau bjóða alla velkomna til samfagnaðar. Sjá nánari upplýsingar á heimasíðu félagsins www.kaon.is. ps. Heyrst hefur að í Ráðhúsinu verði "keppnis" og að verðlaun verði veitt fyrir að vera bleikasti starfsmaðurinn.

Hver er þín sýn á framtíðina? Vísinda- og tækniráð efnir til opins samráðs við íslenskt samfélag um skilgreiningu brýnustu samfélagslegu áskorana sem Ísland stendur frammi fyrir. Öllum er boðið að taka þátt í samráðinu með því að svara nokkrum spurningum á síðunni www.samfelagslegaraskoranir.is Vísinda- og tækniráð hvetur alla þá sem áhuga hafa á málefnum íslensks samfélags að taka þátt fyrir 7. október n.k.

Starfsmennt - fræðslusetur í samstarfi við SÍMEY bíður nú félagsmönnum aðildarfélaga að skrá sig að kostnaðarlausu á námskeiðið Verkefnastjórnun - fyrstu skrefin, nánari upplýsingar um námskeiðið er að finna HÉR. Félagsmenn í Kili og SFR eru með aðild að Starfsmennt. Félagsmenn geta á grundvelli samstarfssamnings á milli SÍMEY og Starfsmenntar - fræðsluseturs skráð sig á einstaka námskeið hjá SÍMEY í gegnum vefsíðu Starfsmenntar og fengið þau námskeið sem í boði eru að kostnaðarlausu. Takmarkað magn af sætum er í boði á hverju námskeiði. Sjá fyrri frétt HÉR.