Öldurnarheimili Akureyrar og leikskólinn Pálmholt taka þátt í verkefninu virkur vinnustaður sem er þróunarverkefni í samstarfi við VIRK starfsendurhæfingarsjóð um forvarnir og endurkomu starfsfólks til vinnu eftir veikindi eða slys. Tilgangur verkefnisins er að veita stjórnendum og starfsmönnum fræðslu og aðstoð við að móta og innleiða stefnu um velferð og fjarvistir. Verkefnið hefst formlega þann 28. október nk. og því lýkur innan þriggja ára.

Dagana 18. og 19. október nk. verður boðið upp á fræðslu fyrir nýtt starfsfólk hjá Akureyrarbæ. Samkvæmt mannauðsstefnu Akureyrarbæjar á allt nýtt fastráðið starfsfólk að fara á nýliðanámskeið þar sem það er frætt um starfsemi og markmið Akureyrarbæjar ásamt réttindum sínum og skyldum.

Stjórn Námsleyfasjóðs kennara og stjórnenda grunnskóla hefur opnað fyrir umsóknir um námsleyfi kennara og stjórnenda grunnskóla skólaárið 2012?2013. Stjórn sjóðsins hefur ákveðið að við úthlutun verði sett í forgang nám sem tengist: skólaþróun og árangursríkri kennslu á unglingastigi. Umsækjendum er gert að skila inn umsóknum á rafrænu formi á vef Sambands íslenskra sveitarfélaga. Umsóknarfrestur er til og með 3. október 2011.

Námskrá SÍMEY fyrir haustið 2011 er nú komin út og hana má nálgast hér. Úrval sí- og endurmenntunarmöguleika er slíkt að allir ættu að geta fundið eitthvað við sitt hæfi. Starfsfólk er hvatt til að kynna sér möguleika sína til símenntunar og kanna einnig möguleika á styrkjum til símenntunar frá fræðslusjóðum stéttarfélaganna. Hér má finna upplýsingar um fræðslusjóðina.

Innanbæjarkrónikan er komin út og hefur verið dreift á kaffistofur starfsfólks Akureyrarbæjar auk þess sem hana má nálgast á rafrænu formi hér á starfsmannahandbókinni. Innanbæjarkrónikuna má nálgast hér.

Annað árið í röð tekur SÍMEY þátt í sí- og endurmenntun annarra starfsmanna grunnskóla Akureyrar með námskeiðinu ?Að verða hluti af heild?. Mikil ánægja hefur verið með þetta námskeið og má segja að það sé orðið hluti af starfsdögum grunnskólanna.

Námsvísir Starfsmenntar fyrir haustið 2011 berst félagsmönnum næstu dagana en þar má sjá fjölbreytt úrval starfstengds náms fyrir opinbera starfsmenn. Að venju eru öll námskeið félagsmönnum KJALAR stéttarfélags að kostnaðarlausu sem hluti af kjarasamningsbundum réttindum þeirra til starfsþróunar, en opin öðrum gegn gjaldi.