Í síðustu viku lauk námskeiði sem hafði það markmið að leiðbeina starfsfólki við að undirbúa starfslok sín vegna aldurs. Alls sóttu námskeiðið um 80 manns frá Akureyrarbæ, Sjúkrahúsinu á Akureyri og Norðurorku. Námskeiðið stóð yfir þrjá eftirmiðdaga, 2 – 2,5 tíma í senn. Dagskráin var afar fjölbreytt þar sem fjallað var um leiðir til að aðlaga sig breyttu lífsmynstri og stuðla að innihaldsríku lífi að starfi loknu. Samstarfsaðilar að námskeiðinu voru Akureyrarbær, Sjúkrahúsið á Akureyri, Norðurorka og stéttarfélögin Kjölur og Eining Iðja.