10. maí nk. verður boðið upp á þriggja og hálfs tíma fræðslu fyrir nýtt starfsfólk hjá Akureyrarbæ. Samkvæmt mannauðsstefnu Akureyrarbæjar á allt nýtt fastráðið starfsfólk að fara á nýliðafræðslu þar sem það er frætt um starfsemi og markmið Akureyrarbæjar ásamt réttindum sínum og skyldum.

Nýir starfsmenn og þeir sem vilja breyta nýtingu persónuafsláttar þurfa að fylla út eyðublaðið nýting persónuafsláttar og senda á netfangið personuafslattur@akureyri.is. Einnig má prenta eyðublaðið út og skila útfylltu til þjónustuanddyri Ráðhúss.

Frá og með 1. maí 2016 verður eingöngu hægt að nálgast launaseðla hjá Akureyrarbæ rafrænt á starfsmannavef bæjarins www.eg.akureyri.is.

Hvað gerist þegar sex konur slá upp afmælisveislu á vinnutíma, engri venjulegri veislu? Flóðgáttir opnast og í gamni og alvöru, gleði og söng segja þær sögur sínar. Meðan starfsfólk saumastofunnar ýmist segir og ekki síst syngur sögur sínar bregða hinar persónur leikritsins sér í gerfi til að leika söguna sem verið er að segja hverju sinni. Inn í gamanið blandast svo umræðan um hlutverk kvenna í samfélaginu. Þetta er efnið sem Freyvangsleikhúsið sníður úr á Saumastofunni eftir Kjartan Ragnarsson, sem með leikritinu steig fram á kraftmikinn hátt sem leikskáld, ásamt því að leikstýra fyrstu uppfærslunni og semja lögin og söngtextana í verkinu. Leikritið og lögin slógu í gegn og urðu sýningarnar yfir 200 á þremur árum hjá Leikfélagi Reykjavíkur en síðan þá hefur leikritið verið sett upp víða um land við frábærar undirtektir.

Glærurnar frá því á kynningunni um starfsmatið eru nú aðgengilegar í starfsmannahandbókinni. Starfsmatskerfið er greiningartæki sem er notað til að meta með kerfisbundnum hætti þær kröfur sem störf gera til starfsmanna. Kerfið byggir á hlutlægum viðmiðum sem notuð eru til að bera saman störf í samræmi við þær kröfur sem í störfunum felast, óháð hæfni þeirra sem þau vinna.

Abaco Heilsulind býður starfsfólki Akureyarbæjar eftirfarandi tilboð vegna árshátiðar bæjarins.