Fréttir

Fríða barnabókavörður ætlar að bjóða áfram uppá rafrænar sögustundir þar sem bókasafnið er enn lokað vegna samkomubanns. Næst ætlar hún að lesa bókina Hundurinn með hattinn eftir Guðna Líndal Benediktsson. Bókin verður lesin í fjórum hlutum - sá fyrsti þriðjudaginn 14.apríl og sá síðasti föstudaginn 17.apríl. Myndböndin verða birt kl. 16:30.

Safnið er enn lokað vegna samkomubanns, en að öllu óbreyttu verður áfram hægt að skila gögnum í Pennanum Eymundsson (fyrir þau sem vilja skila fyrir 14. maí).

Hér eru spurningar um Harry Potter og félaga sem skemmtilegt er að spreyta sig á.

Amtsbókasafnið hefur í rúmt ár safnað bókameðmælum fyrir ungt fólk og frá ungu fólki, meðmælin eru reglulega birt í facebook-hópnum Bækur unga fólksins. Nú bjóðum við upp á þann möguleika að senda inn rafræn bókameðmæli!

Spilasérfræðingur Amtsbókasafnsins hefur tekið saman topp 5 borðspil í samkomubanni. Bókasafnið er lokað en ef til vill eiga einhverjir þessi spil í skápnum hjá sér: Pandemic – Ef það er einhvern tímann viðeigandi að spila Pandemic, þá er það núna. Leikmenn eru hluti af sérfræðiteymi sem reynir að sporna við útbreiðslu banvænna vírusa um heimsbyggðina. Gangi ykkur vel og munið að snerta ekki andlitið!

Fimmtudaginn 2. apríl kl. 16:30 mun Fríða barnabókavörður lesa bókina Amma og þjófurinn eftir Björk Bjarkadóttur. Amtsbókasafnið er enn lokað vegna samkomubanns og því mun sögustundin fara fram með rafrænum hætti á Facebook.

Að horfa á kvikmynd er góð skemmtun. Á þessum skrítnu tímum er því við hæfi að mæla með ýmsum myndum sem fólk gæti horft á meðan það er í sóttkví. Auðvitað má horfa á þessar kvikmyndir hvenær sem er en á meðan þetta ástand varir þá kemur gúrúinn til með að mæla með 5 ólíkum kvikmyndum í einu.

Nú eru sögulegir og óvenjulegir tímar. Vegna þess að hið herta samkomubann er hafið þá hefur Amtsbókasafninu á Akureyri verið lokað tímabundið. Þeir sem fylgjast reglulega með fréttum vissu að safninu yrði lokað og einnig auglýstum við það um leið og það var orðið ljóst.