Þarftu að prenta eitthvað út en prentarinn heima er bilaður? Þarftu að láta skanna eitthvað og senda með netpósti? Þá er Amtsbókasafnið staðurinn fyrir þig, því við bjóðum m.a. upp á þessa þjónustu.
Hægt er að koma á safnið með usb-kubb og láta prenta út það sem er á kubbnum. Svo er einnig hægt að senda netpóst á prentun@amtsbok.is og við reddum eins og einni prentun á augabragði (jafnvel tveimur eða fleiri)! Útprentun (og ljósritun reyndar líka) kostar 50 kr. fyrir hvert A4-blað (70 kr. fyrir A3). Ef það er litur á blaðinu hækkar verðið upp í 150 kr. A4 og 200 kr. A3.
Skönnun er líka möguleg og hún er ókeypis ef notendur þurfa ekki aðstoð. Hægt er að stilla hvort skönnunin verði að jpg-mynd eða pdf-skjali o.s.frv. Þegar skönnun er lokið er hægt að senda skjalið/skjölin á rafrænu formi frá vélinni með því að slá inn netfang. Einfalt og þægilegt, ekki satt?
Ef þú þarfnast aðstoðar, þá er starfsfólkið meira en tilbúið til að rétta hjálparhönd.