Óskarsverðlaunamyndir

Tilboðsmyndir febrúarmánaðar hjá okkur verða Óskarsverðlaunamyndir, þ.e. þær myndir sem hafa unnið til Óskarsins. Tilefnið er hin stórkostlega umdeilda og árlega Óskarsverðlaunahátíð sem í ár verður haldin 26. febrúar nk. Þarna má finna snilldarverk eins og Inception, Citizen Kane, Casablanca, It Happened One Night, Brokeback Mountain, The Network, Lord of the Rings-trílógíuna, Godfather myndir númer 1 og 2, The Departed ... o.fl.

Þess má geta að nokkrar myndir sem eru útnefndar til Óskarsverðlauna í ár eru þegar til í okkar safni. Þær eru ekki á tilboði en áhugavert fyrir kvikmyndaáhugamanninn að geta séð þessar myndir áður en hátíðin fer fram. Hér erum við að ræða um The Tree of Life, Transformers: Dark Side of the Moon, Bridesmaids og Rise of the Planet of the Apes. Síðar í mánuðinum verða gefnar út verðlaunamyndirnar Drive og The Help, en sú síðarnefnda er til dæmis ansi líkleg til að hljóta 2-3 Óskara undir lok mánaðarins.

Úrval eldri Óskarsverðlaunamynda hjá okkur er töluvert. Kíkið á safnið, einungis 100 kr. hvert útlán fyrir hverja Óskarsverðlaunamynd í febrúar.