Opið er á Amtsbókasafninu í dag frá 10-19 þrátt fyrir aftakaveður á Akureyri. Starfsfólk hvetur fólk til að fara varlega, en líklega verður ágætt að hvíla sig vel um helgina og lesa góða bók.
Á myndinni má sjá starfsmenn safnsins moka snjó í morgun. Doddi tók myndina áður en hann tók sjálfur í skófluna, og voru því þrír starfsmenn sem mokuðu í klukkutíma til að geta opnað safnið.
Föstudaginn 17. desember var svipað veður, þá tókum við nokkrar skemmtilegar myndir á safninu sem sjá má hér.
Á morgun, laugardag, verður sögustund í barnadeildinni. Hún hefst klukkan 14 og verður lesið upp úr nýjum barnabókum. Allir velkomnir.
Inngangurinn á Amtsbókasafninu klukkan 8.30 í morgun.
Athugið að bílastæðið að sunnanverðu er lokað en almenna bílastæðið ætti að vera nokkuð opið, miðað við færð.