Ný sýning á Amtsbókasafninu - Skátaforinginn Tryggvi Þorsteinsson

Guðný Stefánsdóttir og Hrefna Hjálmarsdóttir setja upp sýninguna.

Tryggvi Þorsteinsson hefði orðið 100 ára 24. apríl næstkomandi. Til að heiðra minningu hans hafa skátar á Akureyri sett upp glæsilega sýningu honum til heiðurs á Amtsbókasafninu.

Hann var félagsforingi Skátafélags Akureyrar í 28 ár og orti meðal annars á annað hundrað skátatexta. Hann starfaði lengst af við Barnaskóla Akureyrar, síðasta áratuginn sem skólastjóri.

Þá var hann áhugamaður um skógrækt, útivistarmaður og íþróttaunnandi.

Sýningin til heiðurs Tryggva stendur út apríl.