Leitir.is

Leitir.is

Vefurinn Leitir.is hefur verið uppfærður og endurbættur. Helstu nýjungar eru:
Nýtt farsímaviðmót, fleiri möguleikar við að afmarka leitir, facebook-„like“ hnappur við hverja færslu, árvekniþjónusta og vistun leita. Við hvetjum lánþega okkar til að fara í leitir og prófa þjónustuna sem þar er í boði.

• Nýtt farsímaviðmót  þar sem hægt er að skrá sig inn og framkvæma helstu aðgerðir á Mínum síðum. Þar er m.a. hægt að endurnýja lán, taka frá gögn, eyða frátektum, setja í rafræna hillu og fleira. Ástæða er til þess að söfnin kynni þetta vel fyrir sínum viðskiptavinum, þar sem þetta er þjónusta sem beðið hefur verið eftir.
• Möguleiki er á að þrengja leit með því að velja marga flokka og/eða sleppa flokkum (undir Fleiri möguleikar). Þannig er til dæmis hægt að takmarka leit við bæði bækur og hljóðbækur í einu, eða fleiri en eitt tungumál í einu og þar fram eftir götunum. Hér er komin virkni sem margir starfsmenn bókasafna sem sinna upplýsingaþjónustu hafa kallað eftir.
• Facebook-„Like“ hnappur birtist við hverja færslu.
• Nú er hægt að bæta heilli síðu úr leitarniðurstöðum í rafræna hillu með einum smelli.
• Árvekniþjónusta (RSS) og Vista leit hefur færst yfir á vinstri hluta síðunnar.
• Sveigjanlegri afmörkun við útgáfuár í ítarlegri leit (fyrst um sinn á þetta aðeins við um gögn úr Gegni og Skemmunni).
• bX Hot Articles – upplýsingar um vinsælar greinar eftir fræðasviðum á heimsvísu. SFX krækjukerfið stýrir aðgangi að greinunum. Þetta er aukaþjónusta sem er ekki tengd leitarniðurstöðum, en birtist samt sem áður ekki fyrr en eftir að leit hefur verið gerð. Tengillinn Sýna bX Hot Articles birtist þá fyrir ofan leitarniðurstöðurnar.
• Bætt aðgengi að gögnum í Landsaðgangi frá EBSCO, lýsigögnin eru ítarlegri og ekki er lengur nauðsyn á að skrá sig inn til að fá leitarniðurstöður frá EBSCO. (Í flipa 2, Fræðigreinar)

Fljótlega verða útbúnar leiðbeiningar um þessa nýju virkni og þær settar inn á krækjuna „Leiðbeiningar og spurningar“ neðst á forsíðu leitir.is.