Amtsbókasafnið og Hof í ritlistarsamstarfi
Amtsbókasafnið og Menningarhúsið Hof vinna saman að dagskrá þar sem fjallað er um ritlist og bókmenntir á einn eða annan hátt. Markmiðið með samstarfinu er meðal annars að auka sýnileika ritlistar og bókmennta í samfélaginu.
BÓKAHILLAN
Bókahillu hefur verið komið fyrir á veitingastaðnum í Hofi, 1862 Nordic Bistro, og geta gestir og gangandi gluggað í bækurnar í hillunni. Amtsbókasafnið sér um að fylla á hilluna en bókunum er skipt út mánaðarlega og í hverjum mánuði er ákveðið þema.
100 KVENNABÆKUR
Í mars er þemað; Konur
Konur um konur frá konum til kvenna
Allar eins ólíkar eins og þær eru margar Fjölhæfar og fagrar fara þær um heiminn og láta til sín taka, hvort sem er á ritvellinum eða annarsstaðar.
Hér er úrval bóka sem konur hafa skrifað um konur og/eða fyrir konur. Umfjöllunarefnin eru af ýmsum toga en gefa smá hugmynd um úrval fræðibóka eftir konur sem nálgast má á Amtsbókasafninu.