Miðvikudaginn 1. september mætir Jóhann Thorarensen á Amtsbókasafnið og fer yfir haustverkin í garðinum, með sérstakri áherslu á matjurtir.
Hvenær á að taka hvað upp?
Hvað á að grisja og hvernig?
Hvað vilt þú vita um haustverkin í garðinum?
Jóhann er upphafsmaður matjurtagarða Akureyrarbæjar sem hafa notið mikilla vinsælda frá því að þeir voru opnaðir árið 2009. Hann hlaut hvatningarverðlaun garðyrkjunnar við hátíðlega athöfn á Reykjum í Ölfusi árið 2019. Búast má við fróðlegu og fjörugu erindi.
Viðburðurinn fer fram utandyra fyrir framan Amtsbókasafnið og er búið að leggja inn pöntun fyrir góðu veðri.
Öll hjartanlega velkomin!