Amtsbókasafnið og Hof í ritlistarsamstarfi
Amtsbókasafnið og Menningarhúsið Hof vinna saman að dagskrá þar sem fjallað er um ritlist og bókmenntir á einn eða annan hátt. Markmiðið með samstarfinu er meðal annars að auka sýnileika ritlistar og bókmennta í samfélaginu.
BÓKAHILLAN
Bókahillu hefur verið komið fyrir á veitingastaðnum í Hofi, 1862 Nordic Bistro, og geta gestir og gangandi gluggað í bækurnar í hillunni. Amtsbókasafnið sér um að fylla á hilluna en bókunum er skipt út mánaðarlega og í hverjum mánuði er ákveðið þema.
100 GAMLAR OG GÓÐAR FRÆÐIBÆKUR
Í febrúar er þemað; Gamlar og góðar fræðibækur...
Í hillum Amtsbókasafnsins má finna bækur á öllum aldri og af ýmsu tagi. Flestir skoða úrvalið á jarðhæðinni en færri vita að á efri hæðinni er lítil fjársjóðsgeymsla sem geymir allra handa bækur sem gefnar voru út fyrir 1980. Hér er úrval fræðibóka úr þessari ágætu geymslu sem gaman er að glugga í.