Ég skrifa á brennheitu hrauni...

Irène Némirovsky (1903-1942)

Sýning um ævi og ritverk Irène Némirovsky.

- Miðvikudaginn 26. október kl. 17:00 verður sýning um ævi og ritverk fransk-úkraínsku skáldkonunnar Irène Némirovsky (1903-1942) sem ber yfirskriftina „Ég skrifa á brennheitu hrauni...“ opnuð í Amtsbókasafninu á Akureyri.

Í tengslum við opnunina flytur þýðandinn, Friðrik Rafnsson, stutt erindi um Irène Némirovsky og þekktustu skáldsögu hennar, Franska svítu, sem er nýkomin út á íslensku.

Sýningin í Amtsbókasafninu á Akureyri kemur hingað til lands á vegum Alliance française í Reykjavík og er liður í hátíðarhöldum vegna aldarafmælis félagsins á árinu. Sýningin stendur til 10. nóvember, aðgangur er ókeypis og allt áhugafólk um bókmenntir og sögu velkomið.