Laugardaginn 11. desember var bréfamaraþon Amnesty International á Amtsbókasafninu. Þar var gefinn kostur á að senda bréf til þolenda mannréttindabrota. Sex einstaklingar voru valdir úr og hægt var að senda bréf á þeirra tungumáli eða á ensku. Ekki geta allir fengið bréfin, einn þeirra hefur til að mynda verið í 10 ár í fangelsi án þess að hafa fengið réttarhöld. Vonast er til að bréfin þrýsti á yfirvöld í Írak að láta manninn lausan en þar er hann í fangelsi.
Bréfamaraþon Amnesty hefur verið á Amtsbókasafninu í nokkur ár og nokkur fjöldi lagði leið sína á safnið til að senda bréf.
Smelltu hér til að lesa nánar um bréfamaraþon Amnesty á Íslandi sem verður haldið áfram á morgun, þriðjudaginn 14. desember, á söfnum á Suðurlandi.
Hér má sjá borðið og myndir af einstaklingunum sex. Hægt var að senda bréf til þeirra allra með persónulegum skilaboðum og einnig stutta kveðju.