"Bókasafnsdagurinn 2016: Lestur er bestur - út fyrir endimörk alheimsins" verður haldinn 8. september.
Bókasafnsdagurinn beinir augum þjóðfélagsins að mikilvægi bókasafna í samfélaginu.
Hér á Amtsbókasafninu verður gestum og gangandi boðin leiðsögn um hina ýmsu afkima safnsins og fólki gefinn kostur á að skoða hillur og ganga sem alla jafna eru lokuð almenningi.
Við förum með hópa kl. 13:00, 15:00 og 17:00 - Nú er að nota tækifærið!
Veistu hver Steinka er?
Geturðu ímyndað þér hvað hillumetrarnir eru margir í geymslunni?
Hvað eru skylduskil?
Þessum spurningum og mörgum fleirum verður svarað á Bókasafnsdaginn 8. september!