Samkvæmt „reglugerð um takmörkun á samkomum vegna farsóttar“ frá heilbrigðismálaráðuneytinu, sem tekur gildi 23. desember 2021 og gildir til og með 12. janúar 2022, þá má segja að litlar breytingar verði á starfsemi Amtsbókasafnsins. Stærsta breytingin er sú að 1m reglan breytist í 2m regluna.
Á söfnum eins og Amtsbókasafninu skal tryggja að hægt sé að hafa a.m.k. 2 metra á milli einstaklinga sem ekki eru í nánum tengslum. Andlitsgrímur skal jafnframt nota þar sem ekki er unnt að tryggja 2 metra nálægðartakmörkun.
Þetta þýðir einfaldlega að við horfum betur í kringum okkur á safninu og pössum upp á fjarlægðir, sprittið er á sínum stað og við eigum öll að geta notið Amtsbókasafnsins næstu vikurnar ... eins og alltaf.
Hámarksfjöldi gesta verður 50.