Afmæliskortagerð og fyrsta hjálp í akureyrskum bókmenntum

Fyrsta hjálp í akureyrskum bókmenntum

Amtsbókasafnið og Héraðsskjalasafnið á Akureyrarvöku:

Ljóðaganga um slóðir Akureyrarskáldanna 30. ágúst kl. 20:00

Farið verður í ljóðagöngu um brekkuna og heilsað upp á skáldin sem þar bjuggu og lesið úr ljóðum þeirra. Lagt verður af stað frá planinu sunnan við Amtsbókasafnið kl. 20:00 og göngunni lýkur við Sigurhæðir.Erlingur Sigurðarson fv. umsjónarmaður skáldahúsanna hefur skipulagt gönguna og nýtur hann fylgdar Hólmkels Hreinssonar og Hólmfríðar Andersdóttur starfsfólks Amtsbókasafnsins.

Afmæliskortagerð á Amstbókasafninu 1. september kl. 10:00-13:00

Það verður föndurstund á Amtsbókasafninu þar sem áhugasömum gefst kostur á að föndra fallegt afmæliskort til afmælisbarnsins Akureyrar. Kortin verða öll hluti af sýningu í safninu í lok árs.

Fyrsta hjálp í Akureyskum bókmenntum 1. september 15:00-18:00

Starfsólk Amtsbókasafnsins tekur að sér að veita bæjarbúum innsýn í bókmenntir sem tengjast Akureyri fyrr og nú með því að lesa úr þeim valda kafla. Hægt er að koma og fara eins og hvern lystir og staldra við eins lengi og hugurinn girnist. Upplesturinn verður í tjaldi í göngugötunni, fyrir neðan Skátagilið kl. 15:00-18:00

Fólkið í kaupstaðnum 1. september kl. 10:00 – 13:00

Afmælissýning Héraðsskjalasafnsin tekur fyrir íbúa Akureyrar árið 1862 og gerir þeim skil í ættfræði og skjölum. Einnig gefst tækifæri til að athuga hvort að ættingjar leynast meðal þessara fyrstu kaupstaðarbúa, sem reyndar voru 290 manns. Skjalaverðir aðstoða við leit ættfræðiupplýsinga.

Allir hjartanlega velkomnir!