Dagana 15. og 16. nóvember nk. verður boðið upp á fræðslu fyrir nýtt starfsfólk hjá Akureyrarbæ. Samkvæmt mannauðsstefnu Akureyrarbæjar á allt nýtt fastráðið starfsfólk að fara á nýliðanámskeið þar sem það er frætt um starfsemi og markmið Akureyrarbæjar ásamt réttindum sínum og skyldum.

Nú gefst fólki á Akureyri tækifæri til að stunda nám í Menntastoðum. Menntastoðir eru nám á framhaldsskólastigi sem gefur um 50 einingar inn í Háskólabrú Keilis. Menntastoðir hefjast 5. nóvember og þeim lýkur í maí/júní 2011. Markmið Menntastoða er að stuðla að jákvæðu viðhorfi námsmanna til áframhaldandi náms og auðvelda þeim að takast á við ný verkefni.

Allt starfsfólk Akureyrarbæjar á rétt á því að komið sé fram við það af virðingu og að það hafi tækifæri til að vinna störf sín án þess að eiga á hættu einelti og kynferðislega áreitni. Gefnar hafa verið út leiðbeiningar sem gagnast ættu þolanda eineltis/kynferðislegrar áreitni og yfirmanni sem fær slík mál til úrlausnar. Einnig hefur verið gefið út veggspjald með upplýsingum um hvert hægt sé að leita komi upp kynferðisleg áreitni eða einelti á vinnustað.

Í október verður stjórnendum hjá Akureyrarbæ boðið upp á námskeið í starfsmannasamtölum. Markmiðið er að undirbúa stjórnendur fyrir samtölin og hvetja þá til þess að framfylgja Mannauðsstefnu bæjarins en samkvæmt henni eiga starfsfmannasamtöl að fara fram á öllum vinnustöðum árlega.

Starfsmennt kynnir spennandi námsleiðir fyrir alla sem vilja styrkja stöðu sína á vinnumarkaði. Námsleiðin Nám fyrir starfsfólk í stjórnunareiningum hefst á Akureyri 11. október nk. og er starfsfólki í stéttarfélaginu Kjölur að kostnaðarlausu.

Líkamsræktarstöðvar á Akureyri bjóða starfsfólki Akureyrarbæjar eftirfarandi kjör: Átak/Þrekhöll býður 15% afslátt af listaverði á 12 og 6 mánaða kortum með og án sunds.  Bjarg býður 12 mánaða kort á kr. 58.500 og 6 mánaða kort á kr. 40.500.

Í mars 2009 samþykkti Alþingi breytingu á tekjuskattslögum sem hækkaði frádráttarheimild launþega vegna viðbótarlífeyrissparnaðar úr 4% í 6%. Heimildin er tímabundin og gildir til 1. október 2010. Hámarksfrádráttur launþega verður aftur 4%  frá og með 1. október 2010.

Starfmannavefurinn http://www.eg.akureyri.is/ hefur verið uppfærður og nú hafa fyrrverandi starfsmenn aðgang að gömlu launaseðlunum sínum í gegnum vefinn undir rafrænir launaseðlar.