Samkvæmt mannauðsstefnu Akureyrarbæjar á allt nýtt fastráðið starfsfólk að fara á nýliðanámskeið þar sem það er frætt um starfsemi og markmið Akureyrarbæjar ásamt réttindum sínum og skyldum. 　

Skrifstofuskólinn er ætlaður þeim sem vinna almenn skrifstofustörf eða þeim sem hafa hug á því að skipta um starfsvettvang.Tilgangur námsleiðarinnar er að auka sjálfstraust námsmanna til að takast á við almenn skrifstofustörf og stuðla að jákvæðu viðhorfi þeirra til áframhaldandi náms.

Hægt er að skoða ársskýrslur Akureyrarbæjar frá árinu 2000 á heimasíðu bæjarins og þar á meðal er nýjasta skýrslan sem nær yfir árið 2013. Í ársskýrslunum er fjallað um rekstur allra sviða og stofnana bæjarins og kemur þar margt forvitnilegt fram sem gott er fyrir bæjarbúa og starfsfólk bæjarins að kynna sér.

Starfsfólki Akureyrarbæjar er hér með boðið í gönguferð með leiðsögn um Eyrina miðvikudaginn 10. september nk. Leiðsögumaður verður Jón Ingi Cæsarsson. Ferðin hefst kl. 17.00 í bæjarstjórnarsalnum á fjórðu hæð í Ráðhúsinu þar sem Jón Ingi mun sýna gamlar myndir og boðið verður upp á kaffi. Að því loknu veður genginn hringur um Eyrina undir leiðsögn Jóns Inga. Gangan mun taka 1-1 1/2 klukkutíma.