Nýliðafræðsla 22. október 2014

Samkvæmt mannauðsstefnu Akureyrarbæjar á allt nýtt fastráðið starfsfólk að fara á nýliðanámskeið þar sem það er frætt um starfsemi og markmið Akureyrarbæjar ásamt réttindum sínum og skyldum. 　

Reglulega er boðið upp á nýliðafræðslu en slík fræðsla á að standa öllum nýjum starfsmönnum Akureyrarbæjar til boða innan árs frá því að þeir hefja störf. Námskeiðin fara fram á vinnutíma starfsmanna eins og kjarasamningar kveða á um, en ella eiga starfsmenn rétt á launum á meðan á námskeiði stendur.

Markmiðið með nýliðafræðslu er að þátttakendur kynnist mismunandi starfsemi hjá Akureyrarbæ og fái innsýn inn í hin ýmsu mál sem snerta starfsmenn Akureyrarbæjar, beint og óbeint.

Nánari upplýsingar um nýliðafræðslu gefur Ingunn Helga Bjarnadóttir, verkefnastjóri starfsþróunar - ingunn@akureyri.is eða Alma Rún Ólafsdóttir verkefnastjóri auglýsinga og fræðslumála - almarun@akureyri.is

Dagskrá nýliðafræðslunnar finna hér.