Íþróttaráð Akureyrarbæjar hefur skipulagt með íþróttafélögum, einstaklingum og fyrirtækjum dagskrá þar sem boðið verður upp á fjölbreytta hreyfingu og heilsueflandi viðburði í maí undir heitinu "Akureyri á iði". Allir viðburðir eru gjaldfrjálsir og í boði íþróttafélaga, einstaklinga og fyrirtækja.

Heilsuráð Akureyrarbæjar stóð fyrir fyrirlestri með Þorgrími Þráinssyni rithöfundi og lífskúnster í Brekkuskóla í gær. Mætinginn á fyrirlesturinn var mjög góð þar sem 115 starfsmenn Akureyrarbæjar mættu. Fyrirlesturinn hét „Vertu ástfanginn af lífinu“ og fjallaði Þorgrímur meðal annars um að það er ekki sjálfgefið að ná frábærum árangri í lífinu því flest okkar sofna í þægindahringnum og óttinn við að mistakast heldur sumum okkar frá því að láta draumana rætast. Lífið er núna, hvert augnablik er dýrmætt og það skiptir máli að setja sér markmið, gera góðverk, hrósa og vinna litla sigra alla daga og vera þannig besta útgáfan af sjálfum sér.

Ársrit VIRK 2015 er komið út. Í ársritinu er að finna greinargóðar upplýsingar um starfsemi VIRK Starfsendurhæfingarsjóðs, fróðlegar greinar um starfsendurhæfingu og viðtöl við ráðgjafa VIRK, við einstaklinga sem lokið hafa starfsendurhæfingu og við samstarfsaðila VIRK.

Miðvikudaginn 29. apríl nk. býður Heilsuráð Akureyrarbæjar starfsfólki á fyrirlestur með Þorgrími Þráinssyni rithöfundi. Heilsuráð hvetur vinnustaði til að fjölmenna á fyrirlesturinn sem ber heitið: Verum ástfangin af lífinu